अफगाणिस्तानात तालिबाननं मिळवलेल्या वर्चस्वानंतर तालिबान आणि अमेरिका यांच्यातील तणावात सातत्यानं वाढ होताना दिसून येतेय. त्यातच आता नवीन भर पडलीय. अमेरिकी नौदलाच्या एका निवृत्त अधिकाऱ्यासंबंधी राष्ट्राध्यक्ष जो बायडेन यांच्या चिंतेत भर पडलीय. अमेरिकन नौसेनेचे माजी निवृत्त अधिकारी मार्क फ्रेरिच गेल्या दोन वर्षांपासून तालिबानच्या ताब्यात असल्याचा आरोप बायडेन सरकारनं केलाय.
राष्ट्राध्यक्ष जो बायडेन यांच्या म्हणण्यानुसार, दोन वर्षांपासून अमेरिकन नौदलाचे वरिष्ठ अधिकारी मार्क फ्रेरिच यांना अफगाणिस्तानमध्ये ओलीस ठेवण्यात आलंय. फ्रेरिच हे एक सिव्हिल इंजिनिअर असून त्यांनी काहीही चूक केलेली नाही ततर अफगाणिस्तानच्या नागरिकांनी मदत करत जवळपास एक संपूर्ण दशक त्यांनी अफगाणिस्तानात व्यतीत केलंय. मात्र, सध्या ते तालिबानच्या अटकेत आहेत.
अमेरिकन नागरिकालाच काय तर कोणत्याही निरपराध नागरिकांच्या सुरक्षेला धोका पोहचवणं हे अस्वीकारार्ह आहे. एखाद्याला ओलीस ठेवणं हे क्रूरता आणि भ्याडपणाचं कृत्य आहे, अशा कठोर शब्दांत बायडेन यांनी आपली चीड व्यक्त केलीय.
आपल्याला वैधता मिळावी अशा आपल्या आकांक्षेवर कोणत्याही विचाराची आस लावण्यापूर्वी तालिबाननं मार्क फ्रेरिच यांची ताबडतोब सुटका करावी, अशी मागणीही बायडेन यांनी केलीय.
रशिया – युक्रेन तणाव : चीनचा डाव भारताच्या चिंतेत भर घालणार?
US China: स्वतंत्र तैवानचं समर्थन केलं तर युद्ध निश्चित; चीनची अमेरिकेला उघड धमकी
दरम्यान, अमेरिकन सैन्याच्या माघारीनंतर अफगाणिस्तानातील परिस्थिती दिवसेंदिवस बिकट होत जाताना दिसून येतेय. अफगाणिस्तानला पुन्हा एकदा आर्थिक मदत सुरू करण्याचा आग्रह तालिबानकडून अमेरिकेला केला जातोय. त्यामुळे अमेरिकन माजी नौसेना अधिकाऱ्याच्या सुटकेच्या मुद्यावरून तालिबान्यांकडून अमेरिकेला कात्रीत पकडण्याची भीती व्यक्त करण्यात येतेय.
गेल्या २० वर्षांपासून अफगाणिस्तानच्या नागरी सरकारला अमेरिकेसह अनेक देशांकडून मोठ्या प्रमाणात आर्थिक मदत उपलब्ध करून दिली जात होती. मात्र, तालिबाननं अफगाणिस्तानात जबरदस्तीनं सत्ता हाती घेतल्यानंतर अमेरिकेनं अफगाण सरकारच्या आपल्या देशातील बँकांमध्ये जमा केलेल्या सर्व निधीवर बंदी घातली आहे. अशा स्थितीत तालिबान अफगाणिस्तान आणि अर्थव्यवस्था कशी वाचवणार? असाही प्रश्न उपस्थित केला जातोय.
Russia Ukraine Crisis: युक्रेनविरुद्ध युद्धाबद्दल पुतीन यांचं मौन अखेर सुटलं
Magnet Man: कोणत्याही आधाराशिवाय शरीरावर तोलून धरले ८५ चमचे! अनोखा रेकॉर्ड कायम
