चंद्रशेखर बावनकुळेंनी हडपले आलिशान घर, गाड्या; घरकाम करणाऱ्या कर्मचाऱ्याचा गंभीर आरोप
काँग्रेस आणि भाजपचे राजकीय व वैचारिक मतभेद असले तरी, पटोलेंचे वागणे बरोबर नाही. नाना पटोले यांनी महात्मा गांधींची हत्या म्हणण्याऐवजी ‘वध’ असा शब्द वापरला. महापुरुषांचा सातत्याने अवमान करत असल्याने त्यांची ही विकृती खपवून न घेता मनोरुग्णालयात पाठवावे. ते जाणीवपूर्वक वादग्रस्त वक्तव्य करत आहेत. त्यामुळे काँग्रेस पक्षाची प्रतिमा मलीन होत आहे. इतका जुना पक्ष अल्पावधीत संपुष्टात येण्याची शक्यता नाकारता येत नाही. समाजविघातक वक्तव्ये करून ते सामाजिक शांतता बिघडवत आहेत. काँग्रेस व भाजपमध्ये राजकीय व वैचारिक मतभेद असेल तरी राष्ट्रहितासाठी सर्व मतभेद विसरून एकत्र यावे, असे लोकशाहीचे संस्कार आहेत. त्याच भावनेतून हे पत्र लिहित असल्याचे बावनकुळे यांनी स्पष्ट केले.
लालपरी पुन्हा सुरु करण्यासाठी प्रशासनाचे नवे प्रयत्न, ST कर्मचाऱ्यांच्या संपामुळे काढला ‘हा’ मार्गकठोर कारवाई करा!
देशाचे पंतप्रधान नरेंद्र मोदी यांचा अवमान करणारे वक्तव्य पटोलेंनी केले. त्याची सर्व घटकांतून तीव्र प्रतिक्रिया उमटली. सर्वत्र निषेध करण्यात आला. महात्मा गांधी यांच्या पुण्यतिथीदिनी त्यांच्या हत्येऐवजी वध असा शब्द वापरला. वध हा राक्षसांचा होत असतो, महापुरुषांचा नाही, ही सामान्य बाब जबाबदार व्यक्तीला कळू नये, हे दुर्दैव आहे. या दोन्ही आक्षेपार्ह व अवमानकारक वक्तव्याबद्दल पटोले यांनी दिलगिरी व्यक्त केली नाही. अशा बेजबाबदारपणाबद्दल कठोर कारवाई करून पदावरून तातडीने बरखास्त करावे, असेही चंद्रशेखर बावनकुळे यांनी पत्रात म्हटले आहे.
वर्ध्यातील ७ भावी डॉक्टरांच्या अपघातापूर्वीचा VIDEO आला समोर, दृश्य पाहून तुम्हीही हादराल
