राष्ट्रपती रामनाथ कोविंद ६ डिसेंबर रोजी भेट देणार होते. मात्र, काही तंत्रिक कारणांमुळे ही भेट पुढे ढकलण्यात आली होती. आता त्यांची ही भेट पुन्हा निश्चित झाली आहे. केंद्र सरकारच्या डीएनटी आयोगाचे माजी अध्यक्ष व केंद्राच्या डेव्हलपमेंट अॅण्ड वेलफेअर बोर्डाचे विद्यमान अध्यक्ष कर्मवीर दादा इदाते यांनी भारतरत्न डॉ. बाबासाबहेब आंबेडकर यांचे मंडणगड तालुक्यातील मूळगाव आंबडवे भेटीचे निमंत्रण दिले होते. या भेटीचे निमंत्रण राष्ट्रपतींनी स्वीकारले आहे.
Ratnagiri airport: चिपीनंतर आता रत्नागिरीत विमानतळ सुरू करण्याच्या हालचाली, केंद्र सरकारकडे…
राज्यपालांकडे नावं पाठवलेल्या ‘त्या’ १२ आमदारांच्या न्यायासाठी सर्वोच्च न्यायालयात जाणार: उदय सामंत
३१ जानेवारी रोजी हे निमंत्रण स्वीकारले असून, १२ फेब्रुवारी २०२२ ही भेटीची तारीख निश्चित झाली आहे. केंद्र सरकारच्या डीएनटी आयोगाचे माजी अध्यक्ष दादा ईदाते यांनी २५ ऑक्टोबर २०२१ रोजी प्रत्यक्ष भेट घेऊन राष्ट्रपती भवनात हे निमंत्रण दिले होते. त्यानंतर राष्ट्रपती कोविंद हे महापरिनिर्वाण दिनानिमित्त डॉ. बाबासाहेब आंबेडकर यांना अभिवादन करण्यासाठी आंबडवे येथे भेट देणार होते. परंतु काही तांत्रिक कारणांमुळे ते शक्य झाले नाही. त्यामुळे हा दौरा पुढे ढकलण्यात आला होता. मात्र, आता ही भेट पुन्हा निश्चित झाली असून, १२ फेब्रुवारी २०२२ रोजी राष्ट्रपती आंबडवे येथे येणार आहेत. राष्ट्रपतींचे खासगी सचिव प्रवीण सिद्धार्थ यांच्याकडून हे निमंत्रण स्वीकारल्याचे पत्र दादा ईदाते यांना मिळाले आहे. राष्ट्रपतींचा हा दौरा निश्चित झाल्याने आंबडवे गावात आनंदाचे वातावरण आहे. पुन्हा एकदा प्रशासकीय पातळीवर तयारी सुरू होणार आहे. आंबडवे गावी होणारी राष्ट्रपतींची भेट ही वैशिष्ट्यपूर्ण ठरणार असून, सर्वांसाठीच गौरवास्पद बाब आहे, अशी प्रतिक्रिया व्यक्त होत आहे. दरम्यान, मंडणगड तालुक्यात शिरगाव येथे हेलिपॅडची तयारी सुरू झाली आहे. रविवारी आंबडवे येथे जिल्हा पोलीस अधीक्षक व प्रांताधिकारी यांनी भेट देऊन तयारीच्या सूचना दिल्या आहेत.
रत्नागिरीतल्या शाळा १ फेब्रुवारीपासून
कोकणात कासवांवर संशोधन; कासवाच्या पाठीवर ‘सॅटलाईट ट्रान्समीटर’
Ratnagiri News | रत्नागिरी बातमी | Ratnagiri News in Marathi | Ratnagiri Local News – Maharashtra Times
