निझामुद्दीन येथे तबलिगी जमातीच्या संमेलनात सहभागी झालेल्या पुणे विभागातील १८२ जणांची यादी प्रशासनाला मिळाली आहे. त्यात पुणे जिल्ह्यातील १३६, सातारा जिल्ह्यातील ५, सांगली जिल्ह्यातील ३, सोलापूर जिल्ह्यातील १७ आणि कोल्हापूर जिल्ह्यातील २१ जणांचा समावेश आहे. या माहितीची छाननी करताना त्यातील नावे दुबार आढळून आली आहेत. तसेच त्यांनी दिलेल्या माहितीनुसार अतिरिक्त ७ व्यक्ती आहेत. १८२ पैकी १०६ जण सापडले आहेत. यामध्ये पुणे जिल्ह्यातील ७०, सातारा जिल्ह्यातील ५, कोल्हापूर जिल्ह्यातील १० व सांगली आणि सोलापूर या जिल्ह्यातील १०६ जणांना शोध घेऊन त्यातील ९४ जणांना क्वारंटाइन करण्यात आले आहे. त्यांचे स्त्राव नमुने घेतले जातील. अहवाल प्राप्त झाल्यानंतर पुढील कार्यवाही करण्यात येईल, असे म्हैसेकर यांनी सांगितलं.
प्रशासनास प्राप्त झालेल्या यादीतील ५१ व्यक्तींच्या कॉल रेकार्डनुसार ते बाहेरच्या राज्यात असण्याची प्राथमिक शक्यता आहे; तर उर्वरितांचा शोध घेण्याचं काम वेगानं सुरू आहे. काही प्रकरणात काहींनी मोबाइल सिमकार्ड बदलले असल्याची माहिती पोलीस तपासात आढळून आली आहे. काही राज्यांच्या किंवा इतर जिल्ह्यात ज्यांचे संपर्क आढळून आले, ती माहिती संबंधित जिल्हाधिकाऱ्यांना देण्यात आली आहे. पुण्यातील ५१ जण इतर राज्यांतील असल्याची माहिती मिळाली असून, या संदर्भात खात्री केली जात आहे. पुणे विभागातील १८२ जणांचा तपास सुरू असून, ते विभागात असतील तर त्यांना क्वारंटाइन करण्यात येईल व त्यांचे स्त्राव नमुने घेतले जातील. तपासणी अहवाल प्राप्त झाल्यानंतर त्याआधारे पुढील कार्यवाही करण्यात येईल, अशी माहितीही डॉ. म्हैसेकर यांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
