हॉटेल व्यावसायिकाला भुरळ घालवून युवतीने कोल्हापूर-पन्हाळा रोडवरील हॉटेल ग्रीन फिल्ड आणि हॉटेल साईसूट येथे भेटायला बोलावले. हॉटेल व्यावसायिक आणि युवती बोलत असताना अजित संभाजी निंबाळकर (रा. सुभाषनगर), चंदू शिंदे आणि एक महिला तिथे आली. त्यांनी हॉटेल व्यावसायिकाचे फोटो आणि व्हिडिओ घेऊन बदनामी करण्याची धमकी दिली. तसंच दोन लाख रुपयांची खंडणी मागितली.
रक्कम न दिल्यास युवतीने बरे-वाईट करण्याची धमकी दिली. खंडणीसाठी हॉटेल व्यावसायिकास धमक्या येऊ लागल्याने त्याने शाहूपुरी पोलीस ठाण्यात फिर्याद दिली. त्यानंतर पोलिसांनी दोन महिलासह अजित निंबाळकर आणि चंदू शिंदे यांच्याविरोधात गुन्हा नोंद केला आहे. अशा प्रकारचे कोणी हनी ट्रॅपच्या गुन्ह्यात अडकवून खंडणी मागितली असल्यास शाहूपुरी पोलीस ठाण्यात तक्रार द्यावी, असं आवाहन पोलीस निरीक्षक राजेश गवळी यांनी केलं आहे.
