Aurangabad Crime News Today Daughter Abused By Father | महाराष्ट्र हादरला! पोटच्या मुलीवर वडिलांकडून अत्याचार; जाब विचारणाऱ्या पत्नीच्या डोक्यात घातली फरशी

औरंगाबाद : औरंगाबाद शहरातील वाळूज परिसरात अंगावर शहारा आणणारा प्रकार समोर आला आहे. १५ वर्षीय अल्पवयीन मुलीवर नराधम बापानेच अत्याचार केल्याची घटना समोर आली आहे. तर याबाबत विचारणा करणाऱ्या पत्नीला सुद्धा या नराधमाने मारहाण केली. याप्रकरणी वाळूज पोलीस ठाण्यात बाळ लैंगिक अत्याचार कायद्याअंतर्गत गुन्हा दाखल करण्यात आला आहे.

मिळालेल्या माहितीनुसार, वाळूज पोलीस ठाणे हद्दीतील एका गावात राहणारा नराधम गेली पाच महिने आपल्या १५ वर्षीय मुलीवर लैंगिक अत्याचार करत होता. तर ०१ फेब्रुवारी रोजी संध्याकाळी ६ वाजता पुन्हा एकदा मुलीवर या नराधमाने अत्याचार करण्याचा प्रयत्न केला. तसेच याबाबत आईला किंवा भावाला सांगितले तर जीवे मारण्याची धमकी दिली. त्यामुळे मुलगी प्रचंड घाबरली होती.
हळदीला मित्रांनी असं काही केलं की नवरदेवच तुरुंगात, VIDEO पाहून तुम्हीही हादराल
त्यानंतर हा सर्व प्रकार मुलीच्या आईला समजला असता तिने आपल्या पतीला याबाबत विचारणा केली. मात्र या नराधमाने पत्नीलाही मारहाण करत तिच्या डोक्यात परशीचा तुकडा मारला. ज्यात फर्यादी महिला जखमी झाली. त्यानंतर महिलेने वाळूज पोलीस ठाणे गाठत पोलिसांना सर्व हकीकत सांगत पतीविरोधात गुन्हा दाखल केला. याप्रकरणी वाळूज पोलिसांनी बाललैंगिक अत्याचार कायद्याप्रमाणे गुन्हा दाखल केला असून, आरोपीला सुद्धा अटक केली आहे.
‘वाइन व दारुतला फरक शरद पवारांनीच समजावून सांगावा’