अमरावती : करोनाच्या पहिल्या लाटेत रुग्ण संख्या झपाट्याने वाढत असतानाच संपूर्ण राज्यात मोठी तारांबळ उडाली होती. अशात अमरावतीमध्ये एक धक्कादायक प्रकार समोर आला आहे. बडनेरा येथील एका कंत्राटी टेक्निशियनने करोना चाचणी करतो असं सांगत युवतींच्या गुप्त अंगातून स्वॅब घेतल्याचा प्रकार घडला आहे. या घटनेने संपूर्ण राज्यभर खळबळ उडाली होती.

या तरुणीचा स्वॅब घेतेवेळी तिच्याशी अश्लील कृत्य करणाऱ्या आरोपीला येथील जिल्हा व सत्र न्यायाधीश (क्रमांक २) व्ही. एस. गायकी यांच्या न्यायालयाने अल्केश अशोकराव देशमुख (३२, रा. पुसदा) या आरोपीस १० वर्षे सश्रम कारावास, १५ हजार रुपये दंड व दंड न भरल्यास २ महिने अतिरिक्त कारावासाची शिक्षा सुनावली. दुपारी बडनेरा ठाण्याच्या हद्दीतील मोदी ट्रॉमा केअर रुग्णालयात २८ जुलै २०२० रोजी सदर घटना घडली होती.

हळदीला मित्रांनी असं काही केलं की नवरदेवच तुरुंगात, VIDEO पाहून तुम्हीही हादराल
न्यायालयात दाखल दोषारोपपत्रानुसार, या प्रकरणातील पीडिता कार्यरत असलेल्या डिपार्टमेंटल स्टोअरमधील एक कर्मचारी २४ जुलै २०२० रोजी कोरोना पॉझिटिव्ह असल्याचे समोर आले होते. त्यामुळे स्टोअरमधील २० सहकर्मचाऱ्यांना २८ जुलै रोजी दुपारी बडनेरा येथील मोदी ट्रामा केअर हॉस्पिटल येथे करोना चाचणीसाठी आवश्यक असलेले स्वॅब देण्यासाठी पाठवण्यात आले होते. त्या ठिकाणी अल्केश देशमुख हा प्रयोगशाळा तंत्रज्ञ म्हणून कार्यरत होता. त्याच्याकडे तोंडाद्वारे स्वॅब घेण्याची जबाबदारी होती.

यावेळी अल्केशने पीडितेसह तिची मैत्रिण व इतर कर्मचाऱ्यांचे स्वॅब घेतले. त्यानंतर त्याने पीडितेला तुझी टेस्ट पॉझिटिव्ह आली आहे. तुझा आणखी एका ठिकाणचा स्वॅब घेऊन टेस्ट करावी लागेल, असे म्हटले. त्यामुळे पीडितेने याबाबत आपल्या मैत्रिणीला माहिती दिली. त्यानंतर दोघींनी अल्केशकडे जाऊन रुग्णालयात महिला कर्मचारी नाही का, अशी विचारणा केली. त्यावर अल्केशने तुम्हाला वाटल्यास परत जाऊ शकता, असे म्हटले.

चोरट्यांनी हुशारी पाहून थक्क व्हाल, बँकेतून बाहेर आलेल्या व्यक्तिला सांगितलं तुमचे २ लाख पडले अन्…
यानंतर अल्केश हा दोघींनाही आतमधल्या खोलीमध्ये घेऊन गेला. त्याने पीडित तरुणीच्या शरीरातील खासगी अवयवातून स्वॅब घेण्याचे अश्लील कृत्य केले. त्यानंतर पीडिता ही आपल्या कार्यस्थळी परत आली. मात्र, या प्रकाराबाबत संशय आल्याने पीडितेने तिच्या भावाला माहिती देऊन चौकशी करायला लावली. त्यानुसार भावाने जिल्हा सामान्य रुग्णालयात जाऊन चौकशी केली. नाक किंवा तोंडाद्वारे व्यतिरिक्त करोना चाचणीसाठी इतरत्र कुठूनही कोणतीही चाचणी होत नसल्याचे समोर आले.

यावेळी आपली फसगत झाल्याचं तरुणीला लक्षात आले. त्यामुळे पीडितेने बडनेरा पोलीस ठाण्यात तक्रार दाखल केली. तक्रारीवरून पोलिसांनी अल्केशविरुद्ध बलात्कार, विनयभंगसह विविध कलमान्वये गुन्हा दाखल करून त्याला अटक केली. तपासाअंती आरोपपत्र न्यायालयात दाखल करण्यात आले. या प्रकरणात न्यायालयात १२ साक्षीदारांची साक्ष नोंदवण्यात आली. साक्षीदारांची साक्ष व सरकारी पक्षाचा युक्तीवाद ग्राह्य धरून न्यायाधीश व्ही. एस. गायकी यांच्या न्यायालयाने अल्केश देशमुख याला १० वर्षे सश्रम कारावास, १५ हजार रुपये दंड व दंड न भरल्यास २ महिने अतिरिक्त कारावासाची शिक्षा सुनावली. या प्रकरणात सरकारी पक्षातर्फे अतिरिक्त शासकीय अभियोक्ता सुनील अ. देशमुख यांनी यशस्वी युक्तीवाद केला.

वर्ध्यातील ७ भावी डॉक्टरांच्या अपघातापूर्वीचा VIDEO आला समोर, दृश्य पाहून तुम्हीही हादराल

LEAVE A REPLY

Please enter your comment!
Please enter your name here