पूनम चेंबर्स येथे शोरूम आहे. २०१५मध्ये हेमंत झवेरी यांनी मुदत ठेव योजना सुरू करून दोन टक्के व्याज देण्याचे प्रलोभन दाखवले. या योजनेत मनीष किरण देशराज (वय ५०) यांच्यासह अनेक ग्राहकांनी गुंतवणूक केली. देशराज यांनी ३८ लाख ८५ हजार रुपये किमतीच्या दागिन्यांची गुंतवणूक केली. काही दिवस हेमंत यांनी देशराज यांना व्याज दिले. परंतु त्यानंतर झवेरी यांनी ग्राहकांना व्याज देणे बंद केले. देशराज यांनी सदर पोलिसांत तक्रार केली. पोलिसांनी झवेरींविरुद्ध गुन्हा दाखल केला. झवेरी यांनी जामिनासाठी उच्च न्यायालयात अर्ज केला. झवरे यांनी यावेळी दहा धनादेश व सहा पावत्या न्यायालयात सादर केल्या. त्याआधारे देशराज यांना सोने व व्याज परत केल्याचा दावाही करण्यात आला. पोलिसांनी देशराज यांना पावत्या दाखविल्या असता, त्यावरील स्वाक्षरी बनावट असल्याचे देशराज यांनी पोलीस व न्यायालयाच्या निर्दशनास आणून दिले. त्यानंतर न्यायालयाने झवेरींविरुद्ध गुन्हा दाखल करण्याचे निर्देश दिले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
