Home Maharashtra पुणे बातम्या आजच्या: पुणे जिल्हा परिषदेच्या सदस्यसंख्येत होणार वाढ, पाहा किती आहे...

Maharashtra

पुणे बातम्या आजच्या: पुणे जिल्हा परिषदेच्या सदस्यसंख्येत होणार वाढ, पाहा किती आहे एकूण सदस्यसंख्या? – the number of members of pune zilla parishad will increase by seven

4th February 2022

पुणे : पुणे जिल्हा परिषदेच्या सदस्यसंख्येत आता आणखी वाढ होणार असून जुन्नर, खेड आणि इंदापूर तालुक्यामध्ये मिळून एकूण सात सदस्यांची संख्या वाढणार आहे. त्यामुळे जिल्हा परिषदेतील सदस्य संख्या ८२ वर शिक्कामोर्तब झाला आहे. पंचायत समितीच्या गणांमध्ये १४ ने वाढ होणार आहे. जिल्हा परिषदेच्या सत्तेचे गणित या तीन तालुक्यांभोवती फिरणार आहे.

जिल्हा परिषदेच्या एका गटामध्ये दोन पंचायत समिती गण समाविष्ट आहेत. नव्या गटरचनेचे आराखडे तयार करण्यासंदर्भात राज्य निवडणूक आयोगाकडून तोंडी सूचना आलेल्या आहेत.

पुण्यात मोठी दुर्घटना; इमारतीचे काम सुरू असताना लोखंडी छत कोसळून ७ कामगार ठार

जिल्हा परिषदेचे गट आणि पंचायत समितीचे गण यांच्या संख्येत वाढ करण्याचा राज्य सरकारने आदेश जारी केला आहे. त्यानंतर जिल्ह्यातील जिल्हा परिषदेच्या गटाची संख्या निश्चित करण्यात आली आहे. त्याबाबत आता अध्यादेशानुसार जिल्हा परिषदेच्या गटांची संख्या ५५ पेक्षा कमी नाही, तर ८५ पेक्षा जास्त नसल्याचे स्पष्ट करण्यात आले आहे. पुणे जिल्ह्यात आतापर्यंत ७५ सदस्य संख्या होती. त्यात वाढ होऊन आता ही संख्या ८२ पर्यंत पोहोचली आहे. राज्यात सर्वाधिक जिल्हा परिषद सदस्य संख्या ८५ नगर जिल्ह्यात आहे.

जिल्ह्यात वाढलेल्या सदस्य संख्यांमध्ये जुन्नर, इंदापूर, दौंड आणि खेड तालुक्यांचा समावेश आहे. त्याशिवाय पुरंदर, भोर, मुळशी, मावळ, शिरूर तालुक्यात प्रत्येकी एक सदस्य वाढला आहे. हवेली तालुक्यातील सदस्यसंख्या सातने कमी झाली आहे. पंचायत समिती गणांची संख्या दीडशेवरून १६४ पर्यंत वाढली आहे.

राज्यातील ४५३ सहाय्यक पोलीस निरीक्षकांची बढती, निवडणुकांच्या तोंडावर मोठा निर्णय