वाचाः लता दीदी आणि सचिन फायनल मॅच एकत्र पाहिली होती; सोबत होती खास व्यक्ती
लता मंगेशकर यांनी वयाच्या अवघ्या पाचव्या वर्षापासून गायनाला सुरुवात केली होती. सुरुवातील चित्रपटासाठी पार्श्वगायनासाठी लतादीदींना नकार पचवायला लागला होता. लता दीदींचा आवाज पार्श्वगायनासाठी कमजोर असल्याचं सांगत त्यांना काम देण्यास टाळाटाळ केली होती. मात्र, लतादीदींनी सर्वांना खोटं ठरवत आपल्या गायिकेनेच त्यांना उत्तर दिलं.
लता मंगेशकर यांनी आजपर्यंत हजारो गाणी गायिली आहेत. मात्र, त्यांनी गायलेले पहिले गाणं आजपर्यंत प्रदर्शित होऊ शकले नाही. सदाशिवराव नेवरेकर यांनी एका मराठी चित्रपटासाठी १९४२ साली संगीतबद्ध केलं होतं. या गाण्याला लतादीदींनी आवाज दिला होता. मात्र, चित्रपट पूर्ण झाल्यानंतर या गाण्याला चित्रपटातून काढून टाकण्यात आले. त्यामुळं हे गाणं कधीच प्रदर्शित होऊ शकले नाही.
वाचाः ऐ मेरे वतन के लोगों: सिगरेटच्या फॉइलवर लिहिलेलं गाणं, वाचा किस्सा
त्यानंतर लता मंगेशकर यांचं नटली चैत्राची नवलाई हे गाणं प्रदर्शित झाले. १९४२ साली आलेल्या पहिली मंगळागौर या चित्रपटातील होते. या चित्रपटात त्यांनी एक छोटीशी भूमिका साकारली होती.
