गुंतवणूकदार धास्तावले; ग्रे मार्केटमध्ये अदानी विल्मरच्या शेअर प्रिमीयममध्ये घसरण,कारण…
ब्लूमबर्ग बिलिनरीज इंडेक्सनुसार गौतम अदानी हे आशियातील सर्वात श्रीमंत उद्योजक बनले आहे. अदानी यांची संपत्ती सोमवारी ७ फेब्रुवारी २०२२ रोजी ८८.५ अब्ज डॉलर्स इतकी झाली. आतापर्यंत आशियातले सर्वाधिक श्रीमंत अशी ओळख असलेल्या मुकेश अंबानी यांना मात्र हे स्थान गमवावे लागले आहे. अंबानी यांची एकूण संपत्ती ८७.९ अब्ज डॉलर इतकी आहे. यापूर्वी नोव्हेंबर २०२१ मध्ये गौतम अदानी यांनी अंबानी यांना मात दिली होती.
वाचा : या लक्षणीय शेअरकडे मंगळवारी लक्ष असू द्या, गुंतवणूकदारांना लाभाचे आहेत हे शेअर
गौतम अदानी यांच्या संपत्तीत मागील एक वर्षात तब्बल ९० हजार कोटी अर्थात १२ अब्ज डॉलर्सची प्रचंड वाढ झाली आहे. अदानी समूह कोळसा, ऊर्जा, नैसर्गिक वायू, एफएमसीजी , पोर्ट या उद्योगांमध्ये आहे. अदानी समूहातील काही शेअरने मागील एक वर्षात गुंतवणूकदारांना तब्बल ६०० टक्क्यांपर्यंत परतावा दिला आहे.
एअर इंडियाचं असं झालं नामकरण; तब्बल ७५ वर्षांनी टाटा समूहाने शेअर केली रंजक गोष्ट
दरम्यान, मागील दोन वर्षात अंबानी आणि अदानी यांच्या कंपन्यांनी व्यावसायिक विस्ताराला प्राधान्य दिले आहे. त्याशिवाय गुंतवणूकदारांकडून देखील हजारो कोटींचा निधी उभारला आहे. नुकताच झालेल्या गुजरात सरकारच्या गुंतवणूक परिषदेत रिलायन्स समूह आणि अदानी समूह यांनी मोठे दीर्घकालीन गुंतवणूक करार केले होते. करोना संकटात संपूर्ण जग ठप्प असताना या दोन्ही उद्योजकांची संपत्ती झपाट्याने वाढली असल्याचे दिसून आले होते.
गौतम अदानी
कमॉडिटी ट्रेडर्स ते सर्वाधिक श्रीमंत उद्योजक
गौतम अदानी यांचा प्रवास एखाद्या सिनेमाच्या पटकथेला साजेसा आहे. गुजरातमधील एक छोटे कमॉडिटी ट्रेडर म्हणून त्यांनी आपल्या करियरची सुरुवात केली होती. अदानी समूहाने मागील दोन दशकात प्रचंड विस्तार केला आहे. ५९ वर्षीय गौतम अदानी आशियातील सर्वाधिक श्रीमंत उद्योजक बनले आहे. ब्लूमबर्ग इंडेक्सनुसार गौतम अदानी यांची एकूण संपत्ती ८८.५ अब्ज डॉलर्स इति आहे.
नावी यूएस टोटल स्टॉक मार्केट फंड ऑफ फंड ; अमेरिकी शेअर बाजारात गुंतवणुकीची संधी
शिक्षण अर्धवट सोडले अन् गाठली मुंबई
महाविद्यालयीन शिक्षण अर्धवट सोडून १९८० च्या दशकात अदानी यांनी मुंबईतील हिरे व्यवसायात आपलं नशीब आजमावले. मात्र त्यात त्यांना फार काही करता आले नाही. ते पुन्हा गुजरातला परतले. त्यांनी आपल्या भावाच्या प्लास्टिक उद्योगात हातभार लावण्यास सुरवात केली. पुढे १९८८ मध्ये गौतम अदानी यांनी अदानी एन्टरप्राइसेस या कंपनीची स्थापना केली. दशकभरात त्यांनी मालवाहतूक क्षेत्रात शिरकाव केला. मुंढ्रा बंदरावर त्यांनी मालवाहतूक व्यवसाय सुरू केला. २०१५ पासून अदानी यांनी आपल्या उद्योगात वैविध्यता आणली. दशकभरात त्यांनी मोठी व्यावसायिक वृद्धी केली आहे. पंतप्रधान नरेंद्र मोदी यांचे अत्यंत विश्वासू म्हणून उद्योजक गौतम अदानी यांची ओळख आहे.
सोन्याच्या किमतीत मोठी वाढ ; जाणून घ्या आजचा कमॉडिटी बाजारातला दर
झालं होतं अपहरण
गौतम अदानी यांचे दोन दशकांपूर्वी अपहरण झाले होते. या धक्क्यातून ते सावरले. मात्र त्यांना आणखी एक मोठ्या संकटाला सामोरे लागले. २६ नोव्हेंबर २००८ रोजी मुंबईवर दहशतवादी हल्ला झाला. त्यावेळी अदानी ताज महल हॉटेलमध्ये अडकले होते. या हल्ल्यात १६० नागरिक मृत्यूमुखी पडले. यातून अदानी सुखरुप बचावले. त्यानंतर मात्र अदानी खचले नाहीत. त्यांनी त्यातून उभारी घेत आपल्या औद्योगिक साम्राज्याचा विस्तार केला. केवळ भारतातच नव्हे परदेशात त्यांनी अदानी समूहाला विस्तारले.
