ब्रिटनमध्ये बहुचर्चित आणि वादग्रस्त ठरलेल्या ‘पार्टीगेट’ प्रकरणात भारतीय वंशाचे ब्रिटिश चान्सलर ऋषी सुनक यांचाही सहभाग असल्याचा खुलासा नुकताच समोर आलाय. यामुळे ऋषी सुनक यांच्यासमोर मोठं प्रश्नचिन्ह उभं राहिलंय.
लॉकडाऊनमध्ये दारू पार्टीमुळे ब्रिटनचे पंतप्रधान बोरिस जॉन्सन यांच्यावर राजीनामा देण्याचा दबाव वाढत असतानाच ऋषी सुनक हे ब्रिटनचे पुढील पंतप्रधान असू शकतात, असं म्हटलं जातंय. याच दरम्यान नव्या वादाला तोंड फुटलंय.
देशभर कडक लॉकडाऊन लावलेला असताना ऋषी सुनक यांनी २०२० मध्ये बोरिस जॉन्सन यांच्या वाढदिवसाच्या पार्टीत सहभागी झाल्याचं कबूल केलंय. मात्र, कोविड-१९ वर चर्चा करण्यासाठी बोलावलेल्या बैठकीत सहभागी होण्यासाठी आपण इथं गेल्याचा दावा त्यांनी केलाय. मात्र इथं पोहचल्यानंतर काय घडलं याची माहिती देण्यास ऋषी सुनक यांनी नकार दिला आहे.
बोरिस जॉन्सन यांच्या पाच सहाय्यकांच्या राजीनाम्यानंतर सुनक यांचं हे स्पष्टीकरण समोर आलंय. दीर्घकालीन धोरण प्रमुख मुनिरा मिर्झा, चीफ ऑफ स्टाफ डॅनरोसेनफेल्ड, मुख्य खाजगी सचिव मार्टिन रेनॉल्ड्स आणि संचार संचालक जॅक डॉयल यांनी गेल्या गुरुवारी आपल्या पदांचा राजीनामा सोपवला होता.
२०२० मध्ये संपूर्ण ब्रिटनवर लॉकडाऊनची सक्ती करण्यात आली तेव्हा पंतप्रधानांच्या निवासस्थान असलेल्या ‘डाउनिंग स्ट्रीट‘वर अनेक पार्ट्या झाल्या. त्यामुळे बोरिस जॉन्सन यांच्या अनेक सहकाऱ्यांवर राजीनामा देण्याची वेळ आलीय. 
Nepal China Border: नेपाळच्या भूभागावरही चीनची घुसखोरी, सरकारचा अहवाल लीक
Love Cloud: एअरलाईनकडून हवाई उड्डाणात पार्टनरसोबत ‘सेक्स’ची ऑफर, मोजावे लागणार केवळ…
‘पार्टीगेट’ प्रकरणात ऋषी सुनक अडकणार?
‘डाउनिंग स्ट्रीट’वर बोरिस जॉन्सन यांच्या शेजारी राहणारे ऋषी सुनक हे जून २०२० मध्ये १० क्रमांकाच्या कॅबिनेट रूममध्ये जॉन्सन यांच्या एका सरप्राईज बर्थडे पार्टीत सहभागी झाले होते. खुद्द ऋषी यांनी २०२० मध्ये जॉन्सन यांच्या लॉकडाउन वाढदिवसाच्या पार्टीला उपस्थित राहण्याची कबुली दिल्याचं वृत्त ‘मिरर’नं दिलंय.
‘पार्टीगेट’ प्रकरणामुळे लॉकडाऊन दरम्यान सत्ताधारी पक्षांनी जनतेच्या विश्वासाला धक्का पोहचवल्याचं ऋषी यांनी मान्य केलंय. परंतु, जनता सरकारला आपला विश्वास सार्थ ठरवण्याची संधी देईल असंही त्यांनी म्हटलंय. सोबतच, ४१ वर्षीय ऋषी सुनक यांनी पंतप्रधान बोरिस जॉन्सन यांना आपला पूर्ण पाठिंबा असल्याचंही स्पष्ट केलंय.
Winter Olympic: गलवान हिंसाचारात सहभागी झालेल्या सैनिकाच्या निवडीवर चीन म्हणतं…
केवळ ७२ तासांत युक्रेनवर ताबा मिळवण्याची रशियाची तयारी, अमेरिकेचा दावा
ब्रिटनचे पंतप्रधान होण्याबद्दल ऋषी काय म्हणाले?
‘पार्टीगेट’ प्रकरणामुळे जॉन्सन यांना तीव्र दबावाचा सामना करावा लागत आहे. जॉन्सन यांनी पद सोडल्यास ऋषी सुनक यांची पंतप्रधानपदासाठी निवड होऊ शकते, या शर्यतीत सुनक यांचा क्रमांक आघाडीवर असल्याचा ब्रिटनच्या संसदेतील काही खासदारांना विश्वास आहे.
मला पंतप्रधान पद हाताळण्याच्या पात्रतेचं समजल्याबद्दल मी सगळ्यांचा आभारी आहे. परंतु, सध्या मला केवळ माझ्या कामावर लक्ष केंद्रीत करायचं आहे. माझ्या काही सहकाऱ्यांनी पंतप्रधान पदासाठी माझ्या नावाचा उच्चार केला असला तरी निश्चितच यासाठी त्यांच्याकडे काही कारणंही असतील. परंतु, अशी परिस्थिती आहे असं मला वाटत नाही. पंतप्रधान जॉन्सन यांना माझा पूर्ण पाठिंबा आहे. ‘पुढील पंतप्रधानपदाचे दावेदार असाल का?’ या प्रश्नावर ‘नाही, मी याकडे लक्ष देत नाही’ असं उत्तर सुनक यांन दिलंय.
यूके पोलीस अधिकारी डाउनिंग स्ट्रीटवर लॉकडाऊनमध्ये झालेल्या एकूण १२ पार्ट्यांची चौकशी करत आहेत. त्यापैंकी किमान सहा पार्ट्यांत पंतप्रधानांचा समावेश असू शकतो, असं मानलं जातंय.
China Pakistan: शेजारील राष्ट्रांत चीनकडून पाकिस्तानला ‘प्राथमिकता’, पंतप्रधानांचं जाहीर वक्तव्य
अफगाण सीमेवर पाकिस्तानच्या पाच सैनिकांचा मृत्यू, लष्कराकडून चिंता व्यक्त
