नाशिक : ‘व्हॅलेंटाइन वीक’ जवळ आला की महाविद्यालयीन तरुणांमध्ये आनंदाचं वातावरण पाहायला मिळतं. मात्र ही गोष्ट आपल्या संस्कृतीसाठी चांगली नसल्याचं म्हणत काही घटकांकडून यावर टीकाही केली जाते. याच ‘व्हॅलेंटाइन वीक’च्या दरम्यान नाशिकमध्ये मात्र चांगलाच राडा झाल्याचं समोर आलं आहे. निफाड येथील महाविद्यालयात ‘प्रपोज डे’च्या निमित्ताने महाविद्यालयातील दोन गटांमध्ये तुफान हाणामारी झाल्याची घटना घडली आहे. (Propose Day News)

तरुणांमध्ये लाथा-बुक्क्यांनी हाणामारी झाली असून या घटनेचा व्हिडिओ काही तरुणांनी इन्स्टाग्रामवर शेअर केला. हाच व्हिडिओ सध्या सोशल मीडियात व्हायरल झाला आहे. या तरुणांमध्ये नेमक्या कोणत्या कारणातून हाणामारी झाली, याबाबतची संपूर्ण माहिती अद्याप समोर आलेली नाही. मात्र या घटनेची जिल्ह्यात आता चांगलीच चर्चा रंगू लागली आहे.

aditya thackeray:’हिजाब’ वादावर पर्यावरण मंत्री आदित्य ठाकरेंनी व्यक्त केले मत; गणवेशाबाबत म्हणाले…

नाशिकमधील महाविद्यालयात हाणामारीची ही पहिली घटना नाही. याआधीही डोंगरे वसतीगृह येथील एका महाविद्यालयातील तरुणींच्या हाणामारीचा व्हिडिओ काही दिवसांपूर्वी व्हायरल झाला होता. महाविद्यालयातील या ‘फ्री स्टाईल’ हाणामारीमुळे महाविद्यालयातील सुरक्षिततेचा प्रश्न उपस्थित होत आहे.

दरम्यान, या प्रकरणी निफाड पोलीस ठाण्यात गुन्हा नोंद करण्यात आला असून पुढील तपास पोलीस करत आहेत.

LEAVE A REPLY

Please enter your comment!
Please enter your name here