जिनिव्हा, स्वित्झर्लंड :

करोना विषाणूचा नवा व्हेरियंट ‘ओमिक्रॉन’ची दहशत हळूहळू कमी होत असतानाच जागतिक आरोग्य संघटनेकडून (WHO) एक धक्कादायक माहिती समोर आणलीय. करोनाचं ‘ओमिक्रॉन’ स्वरुप समोर आल्यानंतर आतापर्यंत जगभरात पाच लाख मृत्यू झाल्याचं WHO नं म्हटलंय.

यासंबंधी दु:ख व्यक्त करताना जागतिक आरोग्य संघटनेनं मंगळवारी एक निवेदन जाहीर केलं. ओमिक्रॉन व्हेरियंट समोर आल्यापासून आतापर्यंत पाच लाख कोविड मृत्यूची नोंद करण्यात आली आहे. एवढ्या मोठ्या संख्येतील मृत्यू ‘दु:खाच्या पलिकडे’ असल्याचं WHO नं म्हटलंय.

Viral Video: पत्नीचं धडावेगळं केलेलं शीर हातात घेऊन ‘तो’ रस्त्यावर फिरत होता
रशिया-बेलारूसचा युद्धाभ्यास; सीमेवर S-400 आणि सुखोई-35 तैनात
नोव्हेंबर महिन्याच्या अखेरीस ‘ओमिक्रॉन’ हा व्हेरियंट ‘चिंतेची बाब’ म्हणून घोषित करण्यात आला होता. तेव्हापासून जगभरात १३ कोटी रुग्णांची नोंद करण्यात आली तर तब्बल पाच लाख लोकांना आपला जीव गमवावा लागला आहे, असं जागतिक आरोग्य संघटनेचे व्यवस्थापक अब्दी महमूद यांनी म्हटलंय.

संक्रमणाच्या वेगाच्या बाबतीत ओमिक्रॉनननं जगात प्रबळ ठरलेल्या ‘डेल्टा’ व्हेरियंटलाही मागे टाकलं. कमीत कमी काळात अधिकाधिक लोकांपर्यंत ओमिक्रॉन सहजच पोहचला. परंतु, डेल्टाच्या तुलनेत ओमिक्रॉन कमी गंभीर असल्याचं चाचणीत समोर आलं होतं.

‘प्रभावी लसींच्या युगात, जवळपास अर्धा दशलक्ष लोक मरत आहेत, हे वास्तव धक्कादायक आहे’ असं महमूद यांनी आपल्या भाषणात म्हटलं. ‘प्रत्येक जण ओमिक्रॉन हलका आहे असं म्हणत असताना या व्हेरियंटचा शोध लागल्यापासून जवळपास अर्धा दशलक्ष लोक मरण पावले या मुद्याकडे मात्र दुर्लक्ष झालं’ अशी खंतही त्यांनी व्यक्त केली.

ब्रिटनचा उद्योगपती भारतातल्या ३० हजार महिला कारागिरांच्या मदतीला
भारतातला ‘हिजाब बंदी’ वाद: मलालानंतर मरियम नवाझ यांनी ‘असा’ नोंदवला निषेध

LEAVE A REPLY

Please enter your comment!
Please enter your name here