या अधिसूचनेमुळे या रुग्णालयांना संशयित आणि करोना निदान झालेल्या रुग्णांना केंद्र आणि राज्य शासनाने वेळोवेळी दिलेल्या मार्गदर्शक सूचनांनुसार उपचार करणे बंधनकारक असणार आहे. राज्य सरकारमार्फत करोना प्रतिबंधासाठी प्रभावी उपाययोजनांची अंमलबजावणी केली जात आहे. राज्यात चाचण्यांची सुविधा वाढवितानाच आवश्यकता भासल्यास रुग्णांवर उपचारासाठी जिल्हा रुग्णालयात विलगीकरण कक्ष करण्यात आले आहेत. मात्र करोना रुग्णांची वाढती संख्या लक्षात घेता, आता करोना उपचारासाठी विशेष रुग्णालये घोषित करण्यात आली असून, त्यासाठी आरोग्य संचालकांनी अधिसूचना काढली आहे, असेही आरोग्यमंत्री टोपे यांनी सांगितले.
जिल्हा आणि रुग्णालयांची नावे- कंसात खाटांची संख्या:
ठाणे- जिल्हा रुग्णालय, टी. बी बिल्डींग (१००), मीरा भाईंदर- पंडित भीमसेन जोशी रुग्णालय (१००), वाशी – सामान्य रुग्णालय (१२०), कल्याण-डोबिवली महानगरपालिका- शास्त्री नगर दवाखाना (१००), रायगड- पनवेल उपजिल्हा रुग्णालय (१००), नाशिक- कुंभमेळा बिल्डिंग व महानगरपालिका कठडा हॉस्पिटल अनुक्रमे (१००) (७०), अहमदनगर- जिल्हा रुग्णालय (१००), नंदुरबार- डोळ्यांचा दवाखाना (५०), धुळे- जिल्हा रुग्णालय, शहारातील इमारत (५०), पुणे- जिल्हा रुग्णालय, औंध (५०), सातारा- सामान्य रुग्णालय (६०), सिंधुदुर्ग- नवीन इमारत एएमपी फंडेड (७५), रत्नागिरी- सामान्य रुग्णालय व कळंबोली उपजिल्हा रुग्णालय अनुक्रमे (१००), (५०), औरंगाबाद- जिल्हा रुग्णालय (१००), हिंगोली- जिल्हा रुग्णालय (१००), हिंगोली- कळमनुरी उपजिल्हा रुग्णालय (५०), लातूर- उदगिर उपजिल्हा रुग्णालय (५०), उस्मानाबाद- जिल्हा रुग्णालय, नवीन इमारत (१००), उमरगा उपजिल्हा रुग्णालय टीसीयू बिल्डिंग (५०) आणि तुळजापूर उपजिल्हा रुग्णालय नवीन इमारत (५०), नांदेड- जिल्हा रुग्णालय जुने (५०) आणि मुखेड उपजिल्हा रुग्णालय (५०). अमरावती- विशेषोपचार रुग्णालय नवीन इमारत (१००),वाशिम- जिल्हा रुग्णालय, डीईआयसी इमारत (५०), बुलढाणा- स्त्री रुग्णालय नवीन इमारत (१००), वर्धा- सामान्य रुग्णालय (५०), भंडारा- सामान्य रुग्णालय एएमसीएच विंग नवीन इमारत (८०) आणि गडचिरोली- जिल्हा रुग्णालय (१००) या सर्व जिल्हा रुग्णालयातील सर्व खाटा मिळून २३०५ खाटा करोनाबाधित रुग्णांसाठी उपलब्ध होणार आहेत.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
