नागपूर : कळमना मार्केट यार्डमध्ये येणाऱ्या ट्रान्स्पोर्टर्सद्वारे वाहतूक पोलीस विभाग अव्वाच्या सव्वा दंड वसूल करीत आहेत. याचा निषेध म्हणून शुक्रवारी धान्य बाजारातील मालवाहतूक बंद ठेवण्यात आली. त्याचा परिणाम धान्याच्या खरेदी-विक्रीवर झाला. गेल्या काही दिवसांपासून वाहतूक पोलीसांद्वारे या भागात मालवाहतूकदारांकडून दंड वसूल करण्यात येत आहे. टाटा एस या लहान आकारातील गाडीतून मालवाहतूक करणाऱ्यांना साठ ते सत्तर हजारांचे चालान ठोठावण्यात आले आहे. छोट्या मालवाहतूकदारांनी इतका दंड कसा भरायचा, असा सवाल उपस्थित करण्यात येत आहे.

पोलीसांद्वारे बजावण्यात येणारा दंड अक्षरश: आर्थिक लूट आहे. डिझेल महागलेले असताना पोलीसांनी सुरू केलेला जाच असहनीय असल्याची भावना याप्रसंगी व्यक्त करण्यात आली. धान्य बाजारातून शहरातील लहान-मोठ्या दुकानांत मालवाहतूक करणाऱ्या ट्रान्स्पोर्टर्सनी माल वाहून नेण्यास नकार दिला. संपूर्ण दिवसभर हे आंदोलन सुरू होते. जवळपास दीडशेहून अधिक ट्रान्स्पोर्टर्सनी आंदोलनात सहभाग नोंदवला. यामुळे बाजारातील व्यवहार प्रभावित झाल्याचे सांगण्यात आले. मालवाहतुकीपोटी सातशे ते आठशे रुपये मिळकत असणाऱ्या ट्रान्स्पोर्टर्सबाबत संवेदनशीलता दाखवायला हवी, अशी भूमिका आडतियांनी घेतली आहे.

Weather Alert : उन्हाच्या झळा सोसायला तयार रहा, पुढच्या ३ दिवसांत हवामान खात्याकडून इशारा

भाजीपाला शहरात येणे थांबणार

कळमना मार्केटमध्ये नागपूर जिल्ह्याशिवाय बाहेरून देखील भाजीपाला येतो. शुक्रवारी भाजी मार्केट बंद असल्याने मालवाहतूकदारांच्या आंदोलनाचा प्रभाव म्हणावा तसा दिसून आला नाही. मात्र, शनिवारपासून भाजीपाल्याची वाहतूकदेखील बंद करण्याबाबत ट्रान्स्पोर्टर विचार करीत आहेत. तसे झाल्यास भाजीपाल्याचे दर वाढून सामान्यांचे बजेट बिघडणार आहे. त्याशिवाय धान्य बाजारातही साठेबाजी होऊन दरवाढ होऊ शकते. त्याचा थेट फटका ग्राहकांना बसणार आहे.

आमने-सामने! काँग्रेस केंद्रीय मंत्र्यांच्या निवासस्थानावर मोर्चा काढणार; तर भाजप देणार संरक्षण

LEAVE A REPLY

Please enter your comment!
Please enter your name here