हिंगोली बातम्या today: धक्कादायक! लस न घेताच येतोय लस घेतल्याचा SMS, तरुणाकडून मोठा खुलासा – hingoli news getting sms without vaccinated big revelation from the youth

हिंगोली : करोनावर सुरक्षाकवच मानल्या जाणारी लस सद्या राज्यात आणि देशात जवळपास जवळ सर्वच लोकांनी घेतली आहे असे म्हटले तरी वावगे ठरणार नाही. लस ही सुरुवातीपासूनच चर्चेचा विषय ठरत आहे. काही लोकांनी यावर टिकेची झोड सुद्धा उठवली होती. तर काही लोकांनी लस ही प्रभावशाली असल्याचं म्हटलं. यामध्ये पुन्हा एक आता धक्कादायक प्रकार समोर आला आहे.

लस न घेताच लस घेतल्याचा एसएमएस बीड हिंगोली जिल्ह्यातल्या सेनगाव तालुक्यातील एका तरुणाला मोबाईलवर प्राप्त झाला आहे. नामदेव पतंगे असं या तरुणाचं नाव आहे. नामदेव यांनी चार महिन्यापूर्वी लसीचा पहिला डोस घेतला मात्र त्यांनी दुसरा डोस घेतलेला नाही तरीसुद्धा त्यांना १०/०२/२०२२ दुसरा लसीचा डोस घेतल्याचा एसएमएस प्राप्त झाल्यामुळे नामदेव पतंगे हे गोंधळून गेले आहेत.

धक्कादायक! आधी विष घेतलं, त्यानंतर एकमेकांना मिठी मारली आणि त्याच अवस्थेत…
नामदेव पतंगे हे हिंगोली जिल्हा स्वाभिमानी शेतकरी संघटनेचे युवा अध्यक्ष आहेत. झालेल्या सर्व प्रकाराबद्दल त्यांनी स्वाभिमानी शेतकरी संघटनेच्या वतीने हिंगोलीचे जिल्हाधिकारी यांच्याकडे लेखी स्वरुपात तक्रार सुद्धा केली आहे. या गैरप्रकाराची चौकशी करण्याची मागणी त्यांनी निवेदनातून केली आहे. यासंदर्भात आरोग्य विभागाशी आम्ही जाणून घेण्याचा प्रयत्न केला असता त्यांनी असे म्हटले आहे की तुम्ही कुणाला मोबाईल नंबर दिला असेल किंवा चुकून कोणी तुमचा नंबर दिला असेल तर मेसेज येऊ शकतो असं आरोग्य विभागाने म्हटले आहे.
समृद्धी महामार्ग अपघात मार्ग ठरणार का? गुळगुळीत रस्त्यावरून वाहनांचा वेग वाढला
दरम्यान, असं असलं तरी मात्र पतंगे यांनी स्वतः लसीचा दुसरा डोस घेतला असा त्यांच्या नावानिशी सदेश प्राप्त झाला आहे. यामुळे या प्रकाराबाबत अधिक चौकशी प्रशासनाने करावी अशी मागणी नामदेव पतंगे यांनी केली आहे.

धक्कादायक! ज्वारीच्या शेतात नेत दिराकडून वहिनीवर बलात्कार, आरडाओरड करताच…