मुंबई: एखादा चहावाला देशाचा पंतप्रधान होऊ शकतो तर मी कोव्हिड सेंटर चालवू शकत नाही का, असा सवाल पुण्यातील व्यावसायिक राजीव साळुंखे यांनी उपस्थित केला आहे. भाजप नेते किरीट सोमय्या यांनी पुण्यातील जम्बो कोव्हिड सेंटरच्या कंत्राटावरुन राजीव साळुंखे यांच्यावर आरोप केले होते. एका चहावाल्याला कोव्हिड सेंटरचं १०० कोटी रुपयांचं कंत्राट कसे काय देण्यात आले, असा सवाल सोमय्या यांनी उपस्थित केला होता. यानंतर सोमय्या यांनी परळमधील राजीव साळुंखे यांच्या सह्याद्री हॉटेलमध्ये जाऊन पाहणीही केली होती. त्यामुळे व्यावसायिक राजीव साळुंखे चर्चेच्या केंद्रस्थानी आले होते.

मात्र, राजीव साळुंखे यांनी ‘टीव्ही ९ मराठी’शी बोलताना आपल्यावरील सर्व आरोप फेटाळून लावले. मी कोणतीही चोरी केलेली नाही. सरकारी पद्धतीने टेंडर घेतले आहे. आमचं हॉटेल ७० वर्षांपासून सुरु आहे. तेव्हा किरीट सोमय्या यांचा जन्मही झाला नसेल. चहावाला देशाचा पंतप्रधान होऊ शकतो तर एवढे वर्षे व्यवसाय करणारा व्यक्ती कोव्हिड सेंटर चालवू शकत नाही का, असा प्रतिसवाल राजीव साळुंखे यांनी केला. माझ्या घरातील ५ जणांचा करोनामुळे मृत्यू झाला आहे. त्यानंतर लोकांची सेवा करण्याच्यादृष्टीने मी कोव्हिड सेंटर चालवायला घेतले. किरीट सोमय्या यांना कोणीतरी चुकीची माहिती दिली आहे. ते माझ्यावर खोटेनाटे आरोप करत आहेत. त्यामुळे मी माझ्या वकिलांशी चर्चा केल्यानंतरच सविस्तरपणे भूमिका मांडेन, असे राजीव साळुंखे यांनी सांगितले.
जम्बो कोविड सेंटरमध्ये घोटाळा?; सोमय्यांच्या आरोपांवर अजित पवार स्पष्टच बोलले!
किरीट सोमय्यांचा आरोप काय?

पुण्यातील कोव्हिड सेंटरंच कंत्राट मुंबईतील एका चहावाल्याला दिल्याचा आरोप सोमय्या यांनी केला. संजय राऊत यांच्या निकटवर्तीयांवर कोविड सेंटर घोटाळ्याचा आरोप करणाऱ्या किरीट सोमय्या यांनी आज मुंबईत परळमधल्या हॉटेलमध्ये सरप्राईज व्हिजिट दिली. पुण्यातील जम्बो कोव्हिड सेंटरचे कंत्राट चहा विकणाऱ्या राजीव साळुंखे यांच्या न्यू लाईफ कंपनीला देण्यात आले. फक्त १ लाख उत्पन्न असणाऱ्या व्यक्तीला १०० कोटी रुपयांचे कंत्राट कसे काय दिले जाऊ शकते, असा सवाल किरीट सोमय्या यांनी उपस्थित केला आहे.

चहावाल्याने मुख्यमंत्री व्हावं, पण रुग्णांच्या जीवाशी खेळ नको: प्रवीण दरेकर

चहावाल्याने देशाचा पंतप्रधान काय राज्याचा मुख्यमंत्री व्हावं. एखादा व्यवसाय रुग्णांच्या जीवाशी संबंधित असेल तर त्याचा मालक आरोग्य क्षेत्राचं ज्ञान नसलेली व्यक्ती असणे, ही चुकीची बाब आहे. या कंपनीकडून कोव्हिड सेंटरमध्ये डॉक्टर्स आणि नर्सेस पुरवले जातात. राजीव साळुंखे माझ्यासोबत काही डॉक्टर्स असल्याचे सांगतात. पण चहावाल्याचा आणि डॉक्टरांचा काय संबंध? हॉटेल चालवणारा कोव्हिड सेंटर कसं चालूव शकतो, असा सवाल प्रवीण दरेकर यांनी उपस्थित केला.

LEAVE A REPLY

Please enter your comment!
Please enter your name here