नवी दिल्ली :

भारतातील सर्वोच्च वैद्यकीय शिक्षण नियामक ‘राष्ट्रीय वैद्यकीय आयोगा’नं (NMC) भारतीय विद्यार्थ्यांना चिनी विद्यापीठांत प्रवेश न घेण्याविषयी इशारा दिला आहे. राष्ट्रीय वैद्यकीय आयोगाद्वारे विद्यार्थ्यांना चिनी विद्यापीठांमध्ये प्रवेश न घेण्याबाबत इशारा देणारी नोटीस जारी करण्यात आलीय.

कोविड – १९ च्या पार्श्वभूमीवर चीननं परदेशी विद्यार्थ्यांच्या प्रवेशावर बंदी सुरू ठेवलीय. चीनकडून पाकिस्तानसह काही देशांतील विद्यार्थ्यांना परत बोलावण्याच्या योजनेवर काम सुरू झालंय. मात्र चीनकडून भारतीय विद्यार्थ्यांबाबतची स्थिती स्पष्ट करण्यात आलेली नाही.

चीनमधील काही वैद्यकीय विद्यापीठे चालू आणि आगामी शैक्षणिक वर्षासाठी एमबीबीएस प्रवेशासाठी अर्ज मागवत असल्याचं भारताच्या परराष्ट्र व्यवहार मंत्रालयाकडून जाहीर करण्यात आलं होतं. विशेष म्हणजे, चीनमध्ये परदेशी विद्यार्थ्यांना प्रवास बंदी असतानाही हे अर्ज मागवले जात आहेत. परराष्ट्र मंत्रालयानं माहिती दिल्यानंतर राष्ट्रीय वैद्यकीय आयोगानं ही नोटीस बजावली आहे. चीनमध्ये शिकणारे हजारो भारतीय वैद्यकीय विद्यार्थी दोन वर्षांहून अधिक काळापासून प्रवास बंदीमुळे भारतातच आहेत.

‘जेम्स वेब टेलिस्कोप’चा करिश्मा; कोणत्याही कॅमेऱ्याशिवाय पहिला ‘सेल्फी’
Russia Ukraine Crisis: बीजिंग ऑलिम्पिक संपण्यापूर्वीच रशियाचा युक्रेनवर हल्ला, अमेरिकेचा इशारा
चिनी विद्यापीठांमध्ये विद्यार्थ्यांनी एमबीबीएसमध्ये प्रवेश घेतल्यास त्यांना येत्या काळातही ऑनलाइन वर्गात बसावं लागेल. आणि भारताच्या कायद्यानुसार, ऑनलाईन मेडिकल डिग्रीला मान्यता दिली जात नाही. त्यामुळे या विद्यार्थ्यांचं करिअर धोक्यात येऊ शकतं, असं आयोगानं म्हटलंय.

‘चिनी विद्यापीठांत वैद्यकीय शिक्षणासाठी अर्ज दाखल करणाऱ्या विद्यार्थ्यांना हे माहित असणं आवश्यक आहे की चीन सरकारनं कोविड-१९ च्या पार्श्वभूमीवर कठोर प्रवास निर्बंध लादले आहेत आणि नोव्हेंबर २०२० पासून सर्व व्हिसा निलंबित केले आहेत. प्रवास बंदीमुळे भारतीय विद्यार्थ्यांसह परदेशात अडकलेले हजारो आंतरराष्ट्रीय विद्यार्थी आपलं शिक्षण पुन्हा सुरू करण्यासाठी चीनमध्ये परतू शकलेले नाहीत. आतापर्यंत चीनकडून प्रवासी बंदीत कोणतीही शिथिलता देण्यात आलेली नाही’, असं आयोगानं म्हटलंय.

मंगळवारी, हजारो आंतरराष्ट्रीय विद्यार्थ्यांना समन्वित पद्धतीनं चीनमध्ये परतण्याविषयी विचार सुरू असल्याचं चीनच्या परराष्ट्र मंत्रालयानं म्हटलं होतं. परंत, आंतरराष्ट्रीय विद्यार्थ्यांची प्रवास बंदी कधी हटवली जाईल याविषयी मात्र मंत्रालयानं काहीही स्पष्ट केलेलं नाही.

Snake On Flight: विमान हवेत असताना प्रवाशांना ‘केबिन लाईट’मध्ये दिसला साप आणि मग…
हिजाब बंदी वाद : धार्मिक स्वातंत्र्याबद्दल अमेरिकेनं टोचले भारताचे कान

LEAVE A REPLY

Please enter your comment!
Please enter your name here