kirit somaiya: ‘करोनाच्या भयावह काळात आम्ही मदतीसाठी पुढे सरसावलो; आता सोमय्या आमच्यावर वाट्टेल ते आरोप करतायत’ – covid center contract lifeline hospital management services give reply to bjp leader kirit somaiya

या प्रसिद्धी पत्रकात लाईफलाईन हॉस्पिटल मॅनेजमेंट सर्व्हिसेस या कंपनीने आपण कोव्हिड सेंटरचे कंत्राट रितसर सरकारी प्रक्रिया पूर्ण करुनचा कोव्हिड सेंटरचे कंत्राट मिळवल्याचा दावा केला. देशात करोनाची पहिली लाट शिगेला असताना कोणतेही मोठे रुग्णालय किंवा बडे डॉक्टर्स कोव्हिड सेंटरची सेवा देण्यासाठी पुढे येत नव्हते. त्यावेळी जे.जे. रुग्णालयातील वरिष्ठ डॉक्टर हेमंत गुप्ता आणि सामाजिक जबाबदारी मानणारे संजय शाह, राजीव साळुंखे यांच्यासारखे लोक पुढे आले. या सगळ्यांनी कोव्हिड सेंटरसाठी पैसे लावण्याची तयारी दाखवली. आज करोनाचा प्रभाव ओसरल्यानंतर किरीट सोमय्या यांच्यासाठी राजकीय आरोप करणे खूप सोपे आहे. आपला राजकीय हेतू साध्य करण्यासाठी ते आमच्यावर आरोप करत आहेत. किरीट सोमय्या यांना महाराष्ट्रात भीषण परिस्थिती निर्माण होईल असे वाटत होते. पण त्यांची ही अपेक्षा खरी ठरली नाही. त्यामुळेच आमच्या कंपनीवर हे आरोप केले जात आहे. यामागे राजकीय हेतूशिवाय अन्य कोणते कारण आहे, असा सवाल कंपनीकडून उपस्थित करण्यात आला.
मी झुकणारही नाही आणि सरकार पडणारही नाही; ‘सिरीयल लायर’ला कोर्टात खेचणार: संजय राऊत
‘आम्ही योग्य पद्धतीने कंत्राट मिळवलेय’

कोव्हिड सेंटरचे कंत्राट आम्ही योग्य पद्धतीने मिळवले आहे. त्यावेळी कोणतेही मोठे डॉक्टर्स कोव्हिड सेंटरमध्ये सुविधा पुरवण्यासाठी तयार नव्हते. त्यामुळे आम्ही दाखल केलेली निवीदा रितसर मंजूर करण्यात आली. सुरुवातीला आम्हाल महालक्ष्मी रेसकोर्स, एनएससीआय आणि मुलूंड कोव्हिड सेंटरचे कंत्राट मिळाले. त्यानंतर मुलूंडच्या जागी आम्हाला दहिसर कोव्हिड सेंटरचे कंत्राट मिळाले. परंतु किरीट सोमय्या धादांत खोटे आणि कोणत्याही परिणामांची पर्वा न करता आरोप करत आहेत. आम्हाला १०० कोटींचे कंत्राट मिळाले. संजय राऊत आणि मुख्यमंत्री उद्धव ठाकरे यांच्याशी संबंध असल्यामुळे आम्हाला कंत्राट मिळाले, असा आरोप किरीट सोमय्या करतात. मात्र, त्यामध्ये तथ्य नाही. किरीट सोमय्या यांचे आरोप चुकीचे आणि बदनामीकारक असल्याचे लाईफलाईन हॉस्पिटल मॅनेजमेंट सर्व्हिसेस कंपनीकडून स्पष्ट करण्यात आले आहे.