नागपूर : उपराजधानीतील अजनी रेल्वेस्थानक परिसरात इंटर मॉडेल स्टेशन उभारण्याचे भव्यदिव्य स्वप्न बघितले. तथापि, काही नागरिकांचा विरोध असल्याने त्यांनाच प्रकल्प नको असल्यास मी काय करू, असा उद्विग्न सवाल केंद्रीय रस्ते वाहतूक मंत्री नितीन गडकरी यांनी केला. ‘मटा’शी बोलताना त्यांनी विविध विकास प्रकल्पांवर मनमोकळी उत्तरे दिली.

अजनी येथील ‘आयएमएस’ ड्रिम प्रोजेक्ट आहे. त्यासाठी खूप प्रयत्न केले. केंद्र सरकारने बाराशे कोटी रुपये दिले. त्यावर कामही सुरू झाले होते. निविदा प्रक्रिया झाली. विरोधामुळे कंत्राटदाराने माघार घेतली. अशा स्थितीत एखाद्या चांगल्या प्रकल्पाबाबत नागरिकांनाच स्वारस्य नसल्यास काय करणार, असेही ते म्हणाले.

आमदार चहा पिण्यासाठी आले अन् सेनेच्या नगरसेवकाला राष्ट्रवादीत गेलं, पुढं घडलं भलतंच
नागपूरसाठी नवीन प्रकल्पाबाबत विचारले असता, विकासाचे पुढचे चित्र बोलून नाही, तर प्रत्यक्ष कृतीतून दाखवणार असल्याचा दावा करून गडकरी म्हणाले, सद्यस्थितीत केंद्रीय रस्ते निधीतून राज्यातील ओव्हर व अंडर ब्रिजची कामे करण्यात येणार आहेत. सिंदी रेल्वे येथील ड्राय पोर्टचे काम प्रगतीपथावर आहे. २०२४ सालापर्यंत राज्यात रस्त्याची मोठी समस्या राहणार नाही, या दिशेने कामे करण्यात येतील.

वर्धेजवळ अलीकडेच झालेल्या भीषण अपघातात उद्योन्मुख सात डॉक्टरांचा मृत्यू झाला. ही अतिशय दु:खद घटना आहे. त्यामुळे अपघात टाळण्यासाठी सुरक्षेचे विविध उपाय करण्यात येत आहे. आठ सिटर वाहनात एअरबॅगवर भर दिला आहे. तसेच, सिट बेल्टही राहतील, असे त्यांनी स्पष्ट केले.

स्क्रॅप पॉलिसीसाठी प्रत्येक जिल्ह्यात दोन केंद्रे उभारण्यात येतील. यासाठी संस्था किंवा कुणीही समोर आल्यास त्यांना सहकार्य करण्यात येईल, अशी ग्वाही नितीन गडकरी यांनी दिली.

धक्कादायक! तीन वर्षापासून फरार असलेल्या आरोपीस अटक; गुन्हा वाचून तुम्हीही हादराल
‘पंजाब वगळता अन्यत्र भाजपच’

पाच राज्यांत होणाऱ्या विधानसभा निवडणुकीत पंजाब वगळता चारही राज्यात भाजपची सत्ता येण्याबाबत दुमत नाही. यावेळी पहिल्यांदाच पंजाबमध्ये पक्षाने पूर्ण शक्ती लावली. यापूर्वी मित्रपक्षांना साथ देण्यात येत होती. उत्तर प्रदेश, गोवा आदी सर्व राज्यांत उल्लेखनीय कामगिरी राहील, असा विश्वास गडकरी यांनी व्यक्त केला.

पंतप्रधान नरेंद्र मोदी यांनी काँग्रेसवर टीका केली नाही. त्यांनी वस्तुस्थिती मांडली. काँग्रेसकडून विनाकारण आंदोलन करीत असल्याची टीकाही नितीन गडकरी यांनी केली.

नाग नदीचा नव्याने अहवाल

नाग नदीच्या सौंदर्यीकरणाबाबत प्रकल्प अहवालात काही त्रुटी असल्याने जायकाने तो नाकारला. सुमारे अडीच हजार कोटी रुपयांच्या या प्रकल्पाचा आता नव्याने अहवाल तयार करण्यात येत आहे. यानंतर प्रत्यक्ष कामास सुरुवात करण्यात येईल, असे नितीन गडकरी यांनी सांगितले.

‘या’ शहरात पाण्याच्या मोजावे लागणार पैसे ; नळाला अल्ट्रासॉनिक वॉटर मीटर बसवणार

LEAVE A REPLY

Please enter your comment!
Please enter your name here