Eknath Shinde : राज्याचे मंत्री एकनाथ शिंदे यांना पुन्हा धमकी, सुरक्षाव्यवस्था वाढवली
Mumbai: मुंबईतील धारावीमध्ये रिक्षाचालकावर गोळीबार, गंभीर जखमी
मुंबई विमानतळावर केलेल्या कारवाईबाबत एका अधिकाऱ्याने सांगितले की, ड्रग्ज तस्करांविरोधात कारवाई सुरूच राहील. एआययू अधिकारी आणि कस्टम विभागाने संयुक्तपणे कारवाई करून झिम्बाब्वेच्या एका महिलेला अटक केली आहे. ही महिला हरारे येथून आली होती. शनिवारी ती विमानतळावर उतरली. तिने हेरॉइन आणि एमडी लपवून आणले होते. जप्त केलेल्या अंमली पदार्थाची किंमत ६० कोटी रुपये आहे. तिने ट्रॉली बॅगमध्ये आणि दोन फाइल फोल्डरमधून ते आणले होते. आरोपी महिलेला अटक करण्यात आली असून, तिची चौकशी सुरू आहे. ही महिला केवळ अंमली पदार्थ तस्कर आहे. अंमली पदार्थ फक्त पोहोच करण्याचे काम तिचे होते. मुंबई विमानतळाबाहेर आधीपासूनच उभ्या असलेल्या व्यक्तीकडे हे अंमली पदार्थ देणार होती. मुंबई विमानतळाबाहेर पडण्यास महिलेला उशीर झाल्याने विमानतळाबाहेर उभी असलेली व्यक्ती तिथून निघून गेली असावी, असा अंदाज व्यक्त करण्यात येत आहे. तो वितरक किंवा पुरवठादार कोण असेल, याचा तपास केला जात आहे, अशी माहिती अधिकाऱ्याकडून देण्यात आली.
Shilpa Shetty : शिल्पा शेट्टी अडचणीत; अभिनेत्रीसह बहीण शमिता, आई सुनंदा यांना समन्स, जाणून घ्या संपूर्ण प्रकरण
