अतुल लोंढे यांनी सुरक्षाव्यवस्था भेदून आतमध्ये प्रवेश करण्यात यश मिळवले. अतुल लोंढे एकटेच सागर बंगल्याच्या परिसरात शिरले होते. ते सागर बंगल्याच्या गेटपासून काही अंतरावरच असताना पोलिसांच्या नजरेस पडले. त्यानंतर पोलिसांनी अतुल लोंढे यांच्या अक्षरश: मुसक्या आवळल्या.

 

Atul Londhe (1)

अतुल लोंढे यांनी सुरक्षाव्यवस्था भेदून आतमध्ये प्रवेश करण्यात यश मिळवले.

हायलाइट्स:

  • पोलिसांनी पकडल्यानंतर अतुल लोंढे यांनी घोषणा देण्याचा प्रयत्न केला
  • पोलिसांनी सागर बंगल्याच्या दिशेने येणाऱ्या सर्व मार्गांची नाकाबंदी केली आहे
मुंबई: पंतप्रधान नरेंद्र मोदी यांनी महाराष्ट्राविषयी केलेल्या वक्तव्याच्या निषेधार्थ काँग्रेस पक्षाकडून सोमवारी भाजप नेते देवेंद्र फडणवीस यांच्या घराबाहेर आंदोलन करण्यात येणार आहे. त्यामुळे मुंबईतील वातावरण प्रचंड तापले आहे. भाजप आणि काँग्रेसचे कार्यकर्ते सागर बंगल्याच्या परिसरात आमनेसामने आल्यास कायदा-सुव्यवस्थेचा मोठा प्रश्न निर्माण होऊ शकतो. त्यामुळे पोलिसांनी सागर बंगल्याच्या दिशेने येणाऱ्या सर्व मार्गांची नाकाबंदी केली आहे. आज सकाळपासूनच या परिसरात कडेकोट पोलीस बंदोबस्त आहे. मात्र, या सगळ्यानंतरही काँग्रेसचे प्रवक्ते अतुल लोंढे यांनी सुरक्षाव्यवस्था भेदून आतमध्ये प्रवेश करण्यात यश मिळवले. अतुल लोंढे एकटेच सागर बंगल्याच्या परिसरात शिरले होते. ते सागर बंगल्याच्या गेटपासून काही अंतरावरच असताना पोलिसांच्या नजरेस पडले. त्यानंतर पोलिसांनी अतुल लोंढे यांच्या अक्षरश: मुसक्या आवळल्या. पोलिसांनी पकडल्यानंतर अतुल लोंढे यांनी घोषणा देण्याचा प्रयत्न केला. पण पोलिसांनी त्यांचे तोंड दाबून ठेवले. त्याच अवस्थेत अतुल लोंढे यांना गाडीत कोंबण्यात आले. यावेळी प्रसारमाध्यमांना पाहून अतुल लोंढे यांनी आपली भूमिका मांडण्याची प्रयत्नही केला. नरेंद्र मोदी यांनी शिवाजी महाराजांच्या महाराष्ट्राचा अपमान केला आहे, असे अतुल लोंढे यांनी म्हटले. (Congress agitation at Devendra Fadnavis buglow in Mumbai)

दरम्यान, सागर बंगल्याच्या दिशेने जाणारे दोन्ही मार्ग पोलिसांनी बंद केले आहेत. फक्त सरकारी वाहनांनाच या परिसरात प्रवेश आहे. परंतु, भाजपचे मुंबई प्रदेशाध्यक्ष मंगलप्रभात लोढा आणि काही कार्यकर्ते सध्या सागर बंगल्यावर आहेत. आशिष शेलार आणि प्रसाल लाड हे दोन्ही नेतेही याठिकाणी दाखल होण्याची शक्यता आहे. मात्र, पोलीस त्यांना परवानगी देतात की नाही, हे पाहावे लागेल. नाना पटोले यांनी काँग्रेस कार्यकर्त्यांना ११ वाजता सागर बंगल्याच्या दिशेने कूच करण्याचे आदेश दिले आहेत. भाई जगताप यांच्या नेतृत्त्वाखाली काँग्रेस कार्यकर्ते फडणवीस यांच्या बंगल्यावर जातील. त्यामुळे आता सागर बंगल्याच्या परिसरात काय घडणार, हे पाहावे लागेल.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : congress agitation at devendra fadnavis sager bunglow police capture atul londhe
Marathi News from Maharashtra Times, TIL Network

LEAVE A REPLY

Please enter your comment!
Please enter your name here