याप्रकरणी राष्ट्रीय तपासयंत्रणेने (NIA) गेल्या आठवड्यात संबंधित व्यक्तीवर गुन्हा दाखल केला होता. त्यानंतर आता ईडी आणि एनआयएकडून संबंधित व्यक्तीच्या मालमत्तांवर छापे टाकले जात आहेत. त्यामुळे आता या सगळ्यातून केंद्रीय तपासयंत्रणांच्या हाती काय लागणार, याकडे सर्वांचे लक्ष लागले आहे.
कारवाईच्या फेऱ्यात आलेल्या व्यक्तीचे दाऊद इब्राहिम आणि दहशतवाद्यांशी संबंध असल्याचे सांगितले जाते.
हायलाइट्स:
- मुंबईतील १० ठिकाणांवर छापे टाकण्यात आले आहेत
- कारवाईच्या फेऱ्यात आलेल्या व्यक्तीचे दाऊद इब्राहिम आणि दहशतवाद्यांशी संबंध
सूत्रांच्या माहितीनुसार, आर्थिक गैरव्यहार प्रकरणात महाराष्ट्रातील एक राजकीय नेता ईडीच्या रडारवर असल्याची माहिती आहे. ईडीने दाऊदची बहीण हसीन पारकर हिच्याशी संबंधित मालमत्तांवरही छापेमारी केल्याचे समजते. दुबईला पळून गेलेल्या दाऊदचे मुंबईत अनेक व्यवसाय आहेत. काही दिवसांपूर्वीच पंजाबमध्ये दहशतवादी कारवायांमध्ये डी कंपनीचा सहभाग आढळून आला होता. काही दिवसांपूर्वीच भारतीय तपास यंत्रणांनी १९९३च्या बॉम्बस्फोटातील आरोपी अबु बाकर याला युएईमधून ताब्यात घेतले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : ed and nia raids on 10 spots in mumbai person connection with dawood ibrahim on target
Marathi News from Maharashtra Times, TIL Network
Marathi News from Maharashtra Times, TIL Network
