कोव्हिड सेंटरचे कंत्राट कोणताही अनुभव नसलेल्या आणि बनावट कंपनीला देण्यात आले. त्यामुळे कोव्हिड सेंटरमध्ये अनेक रुग्णांचे मृत्यू झाल्याचा आरोप किरीट सोमय्या यांनी केला आहे. कोव्हिड सेंटरच्या माध्यमातून १०० कोटी रुपयांचा भ्रष्टाचार झाला आहे.

 

Kirit Somaiya Uddhav Thackery

संजय राऊत केवळ लोकांचे लक्ष विचलित करण्यासाठी शिवसेना भवनात पत्रकारपरिषद घेत असल्याचेही किरीट सोमय्या यांनी म्हटले.

हायलाइट्स:

  • ३० ते ३५ कोटी रुपये दिल्याचे पुरावे माझ्याकडे
  • किरीट सोमय्या यांच्या तक्रारीवर पोलीस काय भूमिका घेतात, याकडे सर्वांच्या नजरा लागल्या आहेत.
मुंबई:शिवसेना खासदार संजय राऊत यांच्या शिवसेना भवनात होणाऱ्या बहुचर्चित पत्रकारपरिषदेची सर्वांना उत्सुकता लागली असतानाचा आता भाजप नेते किरीट सोमय्याही चांगलेच सक्रिय झाले आहेत. कालच त्यांनी रत्नागिरीत पत्रकारपरिषद घेऊन शिवसेनेवर अनेक आरोप केले होते. त्यानंतर मंगळवारी किरीट सोमय्या (Kirit Somaiya) थेट मुख्यमंत्री उद्धव ठाकरे यांच्यावर हत्येचा गुन्हा दाखल व्हावा, अशी मागणी घेऊन पोलीस ठाण्यात जाणार आहेत. ते मुंबईतील आझाद मैदान पोलीस ठाण्यात तक्रार दाखल करणार आहेत. यावेळी त्यांनी राज्यातील कथित कोव्हिड सेंटर भ्रष्टाचाराचा मुद्दा उपस्थित करत उद्धव ठाकरे आणि त्यांच्या सहकाऱ्यांवर हत्येचा गुन्हा दाखल करावा, अशी मागणी केली आहे. कोव्हिड सेंटरचे कंत्राट कोणताही अनुभव नसलेल्या आणि बनावट कंपनीला देण्यात आले. त्यामुळे कोव्हिड सेंटरमध्ये अनेक रुग्णांचे मृत्यू झाल्याचा आरोप किरीट सोमय्या यांनी केला आहे. कोव्हिड सेंटरच्या माध्यमातून १०० कोटी रुपयांचा भ्रष्टाचार झाला आहे. त्यापैकी ३० ते ३५ कोटी रुपये दिल्याचे पुरावे माझ्याकडे असल्याचा दावाही किरीट सोमय्या यांनी केला. त्यामुळे आता किरीट सोमय्या यांच्या तक्रारीवर पोलीस काय भूमिका घेतात, याकडे सर्वांच्या नजरा लागल्या आहेत.

तसेच संजय राऊत केवळ लोकांचे लक्ष विचलित करण्यासाठी शिवसेना भवनात पत्रकारपरिषद घेत असल्याचेही किरीट सोमय्या यांनी म्हटले. आतापर्यंत उद्धव ठाकरे आणि संजय राऊत यांनी माझ्यावर अनेक गुन्हे दाखल केले आहेत. त्यामुळे आता नव्याने गुन्हे दाखल झाल्यास मला फरक पडत नाही, असेही किरीट सोमय्या यांनी म्हटले.
Sanjay Raut: संजय राऊत कोणाला जेलमध्ये पाठवणार, ‘ती’ साडेतीन लोकं कोण?; शिवसेना भवनातील पत्रकारपरिषदेकडे साऱ्यांचे लक्ष
‘मी गुन्हा केला असेल तर जेलमध्ये जाईन’

संजय राऊत हे जनतेला उत्तर देऊ शकत नाहीत. त्यामुळेच आता ‘साडेतीन लोकांची’ नाटकं सुरु झाली आहेत. भाजपमधील या साडेतीन लोकांना अटक करण्यासाठी मुख्यमंत्री उद्धव ठाकरे हे आतापर्यंत मुहूर्त शोधत होते का, असा सवाल किरीट सोमय्या (Kirit Somaiya) यांनी उपस्थित केला. ते सोमवारी रत्नागिरीत आयोजित करण्यात आलेल्या पत्रकारपरिषदेत बोलत होते. यावेळी त्यांनी संजय राऊत यांनी मी गुन्हा केल्याचे पुरावे दिल्यास मी तुरुंगात जायला तयार आहे, असेही म्हटले.

नाशिकमधून शिवसैनिक मुंबईच्या दिशेने रवाना

मुंबईच्या शिवसेना भवनात दुपारी चार वाजता पत्रकारपरिषद होणार आहे. या पत्रकारपरिषदेच्या पार्श्वभूमीवर नाशिकसह उत्तर महाराष्ट्रातील नेते मुंबईच्या दिशेने निघाले आहेत. संजय राऊत यांना पाठिंबा देण्यासाठी आम्ही मुंबईला जात असल्याची प्रतिक्रिया शिवसैनिकांनी दिली. या शिवसैनिकांमध्ये महिलांचा मोठ्या संख्येने समावेश आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : bjp kirit somaiya demands to file murder case against cm uddhav thackeray and shiv sena leaders
Marathi News from Maharashtra Times, TIL Network

LEAVE A REPLY

Please enter your comment!
Please enter your name here