करोनाविरुद्धच्या लढ्यात करोना लशीचे दोन डोस पूर्ण केल्यानंतर नागरिकांनी बूस्टर डोसही घेण्याचा सल्ला तज्ज्ञांकडून दिला जात आहे. परंतु बूस्टर डोसचा परिणाम किती काळ राहतो, हे जाणून घेण्याचा प्रयत्नही तज्ज्ञांनी केलाय.
अमेरिकन कंपनी फायझर आणि मॉडर्ना एमआरएनए (Pfizer and Moderna mRNA vaccines) लशीचा तिसरा डोस अर्थात बूस्टर डोस चार महिन्यापर्यंत व्यक्तीला सुरक्षा प्रदान करू शकतो. चार महिन्यांनी या लशींच्या बूस्टर डोसचा परिणाम मोठ्या प्रमाणात कमी होतो, असं एका संशोधनातून समोर आलंय.
‘यूएस सेंटर्स ऑफ डिसीज कंट्रोल अँड प्रिव्हेन्शनट (CDC) च्या एका नव्या अभ्यासातून ही माहिती समोर आलीय.
रशियाकडून युक्रेनवर हल्ल्याचा धोका; अमेरिकेकडून ब्रिटनमध्ये बॉम्बर्स तैनात
NMC ची सूचना; चिनी विद्यापीठांत वैद्यकीय शिक्षणासाठी प्रवेश घेण्याआधी…
हा अभ्यास २६ ऑगस्ट २०२१ ते २२ जानेवारी २०२२ या कालावधीत आपत्कालीन विभाग किंवा अर्जंट केअर क्लिनिक आलेल्या २ लाख ४१ हजार २०४ हून अधिक रुग्ण आणि रुग्णालयात दाखल झालेल्या गंभीर ९३ हजार ४०८ रुग्णांच्या आकड्यांवर आधारित आहे.
या रुग्णांमधील लसीच्या परिणामकारकतेचा अंदाज कोविड पॉझिटिव्ह चाचणी करून तसंच लसीकरण न केलेल्या आणि लसीकरण न केलेल्या रुग्णांमध्ये तुलना करून घेण्यात आला. याव्यतिरिक्त भौगोलिक प्रदेश, वय आणि इतर आजार (Comorbidities) यांचाही वापर अभ्यास करताना करण्यात आला.
ओमिक्रॉन संसर्गादरम्यान तिसऱ्या डोसनंतरच्या दोन महिन्यांत आपत्कालीन काळजी घेण्यासाठी आलेल्या रुग्णांमध्ये कोविड विरुद्ध लसीची परिणामकारकता ८७ टक्के होती. परंतु चौथ्या महिन्यात ती ६६ टक्क्यांवर घसरली. याव्यतिरिक्त, पहिल्या दोन महिन्यांत हॉस्पिटलायझेशनविरूद्ध लसीची प्रभावीता ९१ टक्के होती, परंतु तिसऱ्या डोसनंतर चौथ्या महिन्यात ती ७८ टक्क्यांवर घसरली.
धर्मग्रंथाच्या अपमानाचा आरोप, युवकाची दगडानं ठेचून हत्या
कंदील बलोच ‘ऑनर किलिंग’: जन्मठेपेनंतरही आरोपी भावाची निर्दोष सुटका
