नागपूरच्या बातम्या मराठी: आई आणि बहिण बाहेर गेले असता विद्यार्थिनीने केलं धक्कादायक कृत्य, शेजाऱ्यांनी खिडकीत पाहिलं आणि… – student commits suicide by hanging in nagpur

नागपूर : राज्यात सध्या तरुणांमधील नैराश्य वाढत चाललं आहे. याचाच एक धक्कादायक प्रकार नागपूरमध्ये समोर आला आहे. भीमनगर इथे १८ वर्षीय विद्यार्थिनीने गळफास घेऊन आत्महत्या केली. ही घटना रविवारी दुपारी उघडकीस आली. यामुळे संपूर्ण परिसरात खळबळ उडाली असून पोलीस तपास सुरू आहे.

मिळालेल्या माहितीनुसार, कोमल अरुण कुसराम, असं मृत तरुणीचं नाव आहे. ती बीए प्रथम वर्षाला शिकत होती. पोलिसांनी दिलेल्या माहितीनुसार, कोमलने आपल्या राहत्या घरीच आत्महत्या केली. घरात कोणीही नसताना तिने पंख्याला साडी बांधून गळफास घेतला. तिच्या या टोकाच्या भूमिकेमुळे कुटुंबियांना मोठा धक्का बसला आहे.

शिवसेनेत शीतयुद्ध! चंद्रकांत खैरेंच्या ‘त्या’ दाव्यावर आता शिवसेना आमदाराने दिलं उत्तर

रविवारी सकाळी तिची आई कामाला गेली. बहीण लग्नाला गेली. दुपारी कोमलने पंख्याला साडी बांधून गळफास घेतला. घरमालकीनने कोमलला आवाज दिला असता प्रतिसाद मिळाला नाही. खिडकीतून बघितले असता ती गळफास लावलेली दिसली. त्यानंतर जमलेल्या शेजाऱ्यांनी दरवाजा तोडून कोमलचा गळफास काढला. तिला मेडिकल कॉलेज हॉस्पिटलमध्ये दाखल केले असता डॉक्टरांनी तपासून तिला मृत घोषित केले. तिच्या आत्महत्येमागील कारण कळू शकले नाही. अजनी पोलिसांनी आकस्मिक मृत्यूची नोंद करून तपास सुरू केला आहे.

नागपूर हादरले! प्रेयसीवर चाकूने सपासप वार केले, नंतर मुलासमोच केली आत्महत्या; धक्कादायक कारण समोर