संजय राऊतांना पत्रकार परिषद सुरु होण्यापूर्वी उद्धव ठाकरे, शरद पवारांचा फोन, फक्त एवढंच सांगितलं….संजय राऊत यांनी आजच्या पत्रकारपरिषदेत अनेक गौप्यस्फोट केले. ईडीच्या अधिकाऱ्यांनी आज सकाळीच माझी खाती असलेल्या बँकामध्ये जाऊन तपासणी केल्याचे राऊत यांनी सांगितले. यावेळी ईडीच्या अधिकाऱ्यांनी माझ्या बँक खात्यांचा गेल्या २० वर्षातील तपशील काढून नेला. ईडीच्या अधिकाऱ्यांनी हा सगळा तपशील तपासावा. त्यांना माझ्याकडे काही सापडणार नाही, असा दावाही संजय राऊत यांनी केला.
Sanjay Raut: महाराष्ट्रातील सरकार पाडण्यासाठी भाजपचा काय प्लॅन? संजय राऊतांचा खळबळजनक गौप्यस्फोट
भाजप महाराष्ट्रात केंद्रीय पोलीस दल आणून असंतोष दडपणार: संजय राऊत
महाराष्ट्रातील सरकार पाडण्यासाठी भाजप कोणत्याही थराला जायला तयार आहे. महाविकासआघाडी सरकारकडे १७० आमदार आहेत. त्यामुळे तुम्ही लोकशाहीचे संकेत पायदळी कसे तुडवू शकता, असा सवाल मी भाजप नेत्यांना विचारला. महाराष्ट्रातील सरकार पाडायचा प्रयत्न केलात तर ठिणगी पडेल, असे मी त्यांना सांगितले. पण भाजपचे नेते म्हणाले की, असे काहीही होणार नाही. आम्ही महाराष्ट्रात केंद्रीय पोलीस दल आणून सर्व थंड करू, असे संजय राऊत यांनी सांगितले. महाविकासआघाडी सरकार पाडण्यासाठी आम्ही एकतर महाराष्ट्रात राष्ट्रपती राजवट आणू किंवा काही आमदार फोडू. त्यामुळे तुम्ही महाविकासआघाडी सरकार वाचवण्याच्या फंदात पडू नका. अन्यथा केंद्रीय यंत्रणा तुम्हाला ‘टाईट’ करतील, अशी धमकी भाजपच्या नेत्यांनी मला दिल्याचेही संजय राऊत यांनी सांगितले.
