नंदुरबार : पानबारा येथील शासकीय आश्रमशाळेतून २२ लॅपटॉप चोरीला गेल्याची माहिती समोर आली होती. या गुन्ह्याचा पोलिसांनी अवघ्या तीन दिवसात छडा लावला आहे. पाच विधीसंघर्षग्रस्त बालकांनी फक्त मौजमजेसाठी सदरची चोरी केली असून चोरीचा एक लॅपटॉप खरेदी करणाऱ्या व्यक्तीला देखील अटक करण्यात आली आहे. (Nandurbar Crime)
नवापूर तालुक्यातील शासकीय आश्रमशाळा पानबारा येथून १२ तारखेला २२ लॅपटॉप चोरी करण्यात आले होते. विद्यार्थ्यांच्या भविष्याच्या दृष्टीने अतिशय महत्त्वाचे असणारे हे लॅपटॉप चोरी झाल्यानंतर या सर्व प्रकरणाचा छडा लावण्याचं मोठं आव्हान पोलिसांसमोर होते. विसरवाडी पोलीस स्टेशनच्या कर्मचाऱ्यांनी उपविभागीय पोलीस अधिकारी सचिन हिरे यांच्या नेतृत्वात तपास सुरू केला होता. याच दरम्यान गोपनीय बातमीदारांकडून शेजारील एका गावातील आश्रमशाळेत विद्यार्थ्याकडे असाच लिनोव्हो कंपनीचा लॅपटॉप असल्याची माहिती मिळाली. यानंतर पोलीसांनी सदर गावात जात या विधीसंघर्षग्रस्त बालकाला ताब्यात घेतले. nawab malik: नवाब मलिकांच्या अडचणी वाढणार?; चांदीवाल आयोगाने बजावले समन्स
सदर बालकाची विचारपूस केल्यानंतर आपल्या इतर चार साथीदारांच्या मदतीने पानबारा येथील आश्रमशाळेतून लॅपटॉप चोरीची कबुली त्याने दिली. यानंतर या सर्व ५ विधीसंघर्षग्रस्त बालकांकडून २१ लॅपटॉप जप्त करण्यात आले, तर एक लॅपटॉप हा धवल प्रजापत नामक इसमाला आठ हजार रुपयांना विकण्यात आला होता. चोरीचा लॅपटॉप विकत घेतल्याप्रकरणी या पाच विधीसंघर्षग्रस्त बालकांसमवेत लॅपटॉप विकत घेणाऱ्या प्रजापत यास अटक करण्यात आली आहे.
nawab malik: नवाब मलिकांच्या अडचणी वाढणार?; चांदीवाल आयोगाने बजावले समन्स
