ठाणे पोलिसांनी इकबाल कासकरला २०१७ मध्ये वसुली प्रकरणात अटक केली होती. ठाणे पोलिसांनी काही वर्षांपूर्वीच्या एका वसुली प्रकरणात इकबाल कासकर आणि अनीस इब्राहिम, तसेच अन्य काही जणांविरोधात गुन्हा दाखल केला होता. त्याचे दस्तावेज ईडीने आपल्या ताब्यात घेतली आहेत. या दस्तावेजांच्या आधारे एनआयएने अलीकडेच एक गुन्हा दाखल केला होता. याच प्रकरणाच्या आधारे ईडीने मनी लाँड्रिंग प्रकरणी गुन्हा नोंदवला आहे. ईडीने दाऊदचा खास छोटा शकीलचा मेहुणा सलीम फ्रुट याचीही चौकशी सुरू केली आहे, असे सांगितले जात आहे. सलीम फ्रुट अनेकदा बनावट कागदपत्रांच्या आधारे पाकिस्तानात गेला होता, असा संशय तपास यंत्रणांना आहे. दाऊद आणि शकीलच्या इशाऱ्यावर तो मुंबईत कामे करतो, असाही ईडीला संशय असल्याचे बोलले जात आहे.
हसिना पारकरच्या घरी ईडीचा छापा
मिळालेल्या माहितीनुसार, ईडीकडून त्याची बँक खाती आणि संपत्तीशी संबंधित माहिती मिळवली जात आहे. वसुली, सेटलमेंट आणि ड्रगच्या माध्यमातून पैसे गोळा करून त्याचा वापर हवालामार्फत दहशतवादी कारवाया आणि देशविरोधी कारवायांसाठी केला जात असल्याचा ईडीला संशय आहे. दरम्यान, गेल्याच आठवड्यात राष्ट्रीय तपास संस्था (NIA) ने अंडरवर्ल्ड डॉन दाऊद इब्राहिम, छोटा शकील याच्यासह डी कंपनीच्या सात कुख्यात गुंडांविरोधात एफआयआर दाखल केला होता, असे कळते. हे सर्व जण भारतातीत दहशतवादी कारवायांमध्ये सामील असल्याचा संशय आहे. त्यांचे संबंध पाकिस्तानस्थित दहशतवादी संघटना जैश-ए-मोहम्मद, जमात-उद-दावा आणि अल-कायदा यांसारख्या संघटनांशी असल्याचाही तपास यंत्रणेला संशय आहे.
मुंबईत ईडीचं धाडसत्र सुरु, संजय राऊत म्हणाले…
Breaking: ईडी आणि ‘एनआयए’ची मुंबईत छापेमारी; १० ठिकाणांवर धाडी
