मुंबई- बॉलिवूडचे लोकप्रिय गायक- संगीतकार बप्पी लहिरी हे केवळ त्यांच्या गाण्यांसाठीच प्रसिद्ध होते, तर त्यांना ‘गोल्ड मॅन’ देखील म्हटले जात होते. बप्पी दा गळ्यात खूप साखळ्या घालायचे. त्यांच्या या वेगळ्या गोष्टीने सर्वांचे लक्ष वेधून घेतले होते आणि त्याची सर्वत्र चर्चाही झाली होती. लोक तर म्हणायचे की ते शोऑफ करण्यासाठी इतक्या सोन्याच्या साखळ्या घालतात. पण एकदा गायकाने याचा खुलासा केला आणि त्यामागील गोष्ट काय आहे ते सांगितले.

झोपेने केला घात! या आजाराने झालं बप्पी लहिरी यांचं निधन, डॉक्टरांनी सांगितलं कारण

बप्पी दा यांनी एकदा एका मुलाखतीत सांगितले होते की त्यांनी शोऑफसाठी इतके सोने घातले नव्हते, परंतु अमेरिकन पॉप स्टार एल्विस प्रेस्ली यांच्यापासून ते खूप प्रेरित होते. एल्विस त्याच्या मैफिलींमध्ये सोन्याच्या अनेक साखळ्या घालायचे. बप्पी लहिरी म्हणाले की, ‘जेव्हा मी एल्विसकडे पाहायचो, तेव्हा मला वाटायचे की, मी प्रसिद्ध झाल्यावर एल्विससारखंच होईन.’ यासोबतच सोनं घालणं हे आपल्यासाठी शूभ असतं असा त्यांचा विश्वास होता.

एल्विस प्रेस्ली

मिळालेल्या माहितीनुसार, बप्पी लाहिरी यांनी २०१४ मध्ये सांगितले होते की, त्यांच्याकडे सुमारे ७०० ग्रॅम सोने आणि सुमारे ५ किलो चांदी आहे. मात्र, आता बरीच वर्षे उलटून गेल्याने त्यांच्याकडे किती सोने-चांदी असेल याचा अंदाज बांधणे कठीण आहे. बप्पी दांकडे पत्नीपेक्षा जास्त सोने होते. मीडिया रिपोर्ट्सनुसार, बप्पी लहिरी यांची एकूण संपत्ती २० कोटी आहे.

दरम्यान, क्रिटिकेअर हॉस्पिटलचे संचालक डॉ. दीपक नामजोशी यांनी पीटीआयला बप्पी लहिरी यांचं कोणत्या आजाराने निधन झालं याची माहिती दिली. डॉक्टर म्हणाले की, ‘मागील एका महिन्यापासून बप्पी लहिरी रुग्णालयात दाखल होते. सोमवारी १४ फेब्रुवारी रोजी त्यांना रुग्णालयातून डिस्चार्ज देण्यात आला होता. परंतु मंगळवारी त्यांची प्रकृती अचानक बिघडली. त्यामुळे बप्पी दांच्या कुटुंबियांनी डॉक्टरांना घरी बोलावले. परंतु बप्पी दांची प्रकृती अधिक खालावली, अखेर त्यांना रुग्णालयात दाखल करण्यात आले. आज १६ फेब्रुवारी रोजी ओएसए (ऑब्स्ट्रक्टिव स्लीप एपनिया) मुळे त्यांचे निधन झाले.

LEAVE A REPLY

Please enter your comment!
Please enter your name here