लातूर : मी आपल्या आमुक बँकेतून तमुक बोलतोय. आपण आता बँकेत येऊ शकता ? काही जुजबी माहिती अपडेट करायची आहे. अर्थात शक्य असेल तर या अन्यथा आपण काही मिनिटांचा वेळ दिलात तर आपण ही माहिती फोनवर सांगितली तरी चालेल. करोना प्रतिबंधक नियमांमुळे आम्ही फोन कॉलवर ही सुविधा देतोय’

अतिशय मधुर आवाजात आपल्या मोबाईलवर तिकडून कोणी बोलत असतं आणि आपली बँकेचा ग्राहक म्हणून किती काळजी घेतेली जातेय, असे समजत आपण मात्र सुखावतो आणि इथच फसतो. तिकडून विचारलेली सगळी माहिती द्यायला लागतो अगदी विचारलेल्या ओटीपीसह. सर /मॅम करत तिकडून प्रश्नावर प्रश्न सुरूच राहतात तोपर्यंत आपल बँक खात साफ होत आणि कॉलही कट. लातूरमध्येही असा प्रकार एका शिक्षकाच्या बाबतीत घडला आहे.

ST Strike News Today: ९ आगारांवर एसटी महामंडळाची मोठी कारवाई, महिला कर्मचारी संकटात

नरसिंग प्रभाकर शेंडगे असे अहमदपूर शहरात वास्तव्यास असलेल्या शिक्षकाचं नाव. त्यांना एका अनोळखी व्यक्तीचा फोन आला. आपण बँकेतून बोलत असल्याचे सांगत त्याने नरसिंग शेंडगे यांना विश्वासात घेतले आणि त्यांच्या एसबीआय बँकेशी संलग्न असलेल्या क्रेडिट कार्डची सर्व महिती विचारून घेतली. शेंडगे यांनी अगदी ओटीपीसह सर्व माहिती दिली. फोन कट झाला आणि एमएसएम आला तुमच्या क्रेडिट कार्डमधून दोन वेळा ४८ हजार ८४९.६० रुपये असे एकूण ९७ हजार ६३८ रुपये काढून घेण्यात आले. शेंडगे तर थक्कच झाले. आपण थेट ९७ हजार ६३८ रुपयांना गांडलो गेलोय हे त्यांच्या लक्षात आलं पण फार उशीर झाला होता.

आता शेंडगे यांनी अहमदपूर पोलीस ठाण्यात अज्ञात आरोपी विरुद्ध माहिती तंत्रज्ञान सुधारणा अधिनियम २००८ अन्वये गुन्हा नोंद केला आहे. आता या प्रकरणाचा तपास पोलीस निरीक्षक लाकाळ करतायत.

वासनेचा कळस! २१ वर्षीय तरुणाचं पती-पत्नीसोबत भयंकर कृत्य, घरात घुसला अन्…

LEAVE A REPLY

Please enter your comment!
Please enter your name here