जळगाव : चोपडा तालुक्यातील विरवाडे येथे राहणाऱ्या ३१ वर्षीय तरुणाने विदगाव शिवारात एका शेतात झाडाला गळफास घेत आत्महत्या केली. बुधवारी सकाळी ही घटना उघडकीस आली. जगदीश रूबजी बारेला (वय ३१) असं मृत तरुणाचं नाव आहे. (Jalgaon Suicide Case)

जगदीश बारेला हा आई, भाऊ आणि मुलीसह चोपडा तालुक्यातील विरवाडे येथे राहात होता. जगदीशला दारूचे व्यसन जडले होते. ११ फेब्रुवारी रोजी सायंकाळी दारूच्या नशेत असताना घराच्या ओट्यावरून खाली पडल्याने त्याच्या डोक्याला गंभीर दुखापत झाली. कुटुंबीयांनी त्याला शासकीय वैद्यकीय महाविद्यालय व रुग्णालयात दाखल केले. उपचार झाल्यानंतर १५ फेब्रुवारी रोजी सायंकाळी डिस्चार्ज घेऊन तो भावासोबत रिक्षाने घरी जाण्यासाठी निघाला होता. यावेळी विदगाव जवळ जगदीशने रिक्षातून उडी घेऊन बाजूच्या शेतातून पळ काढला.

बलात्कार प्रकरणात १७ दिवसात तपास आणि ६० व्या दिवशी आरोपीला जन्मठेपेची शिक्षा!

भावाने त्याचा शोध घेण्याचा प्रयत्न केला, परंतु जगदीश आढळून आला नाही. बुधवारी सकाळी विदगाव शिवारातील बालाजी पेट्रोल पंपाजवळ नितीन सपकाळे यांच्या शेतातील झाडाला गळफास घेतलेल्या स्थितीत जगदीश आढळून आला. जगदीशने आत्महत्या का केली, याचं कारण अद्याप स्पष्ट झालेलं नाही.

कोल्हे हिल्स परिसरात कुजलेला मृतदेह

कोल्हे हिल्स परिसरात ३० वयोगटातील तरुणाचा कुजलेला मृतदेह आढळून आला आहे. १५ फेब्रुवारी रोजी रात्री परिसरात दुर्गंध येत असल्यामुळे नागरिकांनी तालुका पोलिसांना कळवले. यांनतर एका अपूर्ण बांधकाम असलेल्या घरातून कुजलेला मृतदेह पोलिसांनी बाहेर काढला. मृतदेहाची अद्याप ओळख पटलेली नाही. या तरुणाने आत्महत्या केली असावी अशी शक्यता पोलिसांनी व्यक्त केली आहे. या घटनेमागे आणखी काही वेगळं कारण आहे का, याचाही शोध पोलिसांकडून घेतला जात आहे. मृतदेह शासकीय वैद्यकीय महाविद्यालय व रुग्णालयात ठेवला आहे. तरुणाच्या अंगात निळ्या रंगाचा शर्ट व निळी पॅण्ट आहे. या प्रकरणी तालुका पोलीस ठाण्यात आकस्मात मृत्यूची नोंद करण्यात आली आहे.

LEAVE A REPLY

Please enter your comment!
Please enter your name here