vithalwadi railway station: Kalyan: धक्कादायक! बापाने घेतली ६ वर्षांच्या मुलासह धावत्या एक्स्प्रेसखाली उडी – kalyan father jump off front of train with son at vithalwadi railway station

कल्याण : मुंबईहून पुण्याकडे जाणाऱ्या डेक्कन एक्स्प्रेससमोर मुलासह उडी मारून वडिलांनी आत्महत्या केल्याची घटना विठ्ठलवाडी स्थानकात संध्याकाळी ६:०८ वाजण्याच्या सुमारास घडली. मात्र, या दुर्घटनेत वडिलांचा जागीच मृत्यू झाला, तर सहा वर्षांचा लहानगा मात्र सुखरूप बचावला आहे.

रेल्वे पोलिसांनी मुलाला आईच्या ताब्यात दिले आहे. उल्हासनगरच्या शांतिनगर परिसरात राहणारे प्रमोद आंधळे आपल्या सहा वर्षांचा मुलगा स्वराजसह संध्याकाळी विठ्ठलवाडी स्थानकात पोचले. यावेळी मुंबईहून पुण्याच्या दिशेने जाणाऱ्या धावत्या डेक्कन एक्स्प्रेससमोर प्रमोद यांनी मुलासह उडी मारली. या दुर्घटनेत गाडीची जोरदार धडक बसल्याने प्रमोद यांचा जागीच मृत्यू झाला. मात्र, स्वराज रुळांच्या बाहेर पडल्याने तो आश्चर्यकारकरीत्या बचावला. रेल्वे पोलिसांनी घटनास्थळी धाव घेत स्वराजला बाहेर काढले, तर प्रमोद यांचा मृतदेह उत्तरीय तपासणीसाठी रुक्मिणीबाई रुग्णालयात पाठवला आहे. याप्रकरणी पोलिस अधिक तपास करीत आहेत.

Illicit Liquor Business: कल्याणमध्ये घडली धक्कादायक घटना; दारूच्या धंद्याची माहिती पोलिसांना दिल्याचा संशय आला आणि…
molestation: ‘तो’ लहान मुलीचा विनयभंग करून पळून जात होता; अखेर झाला गजाआड

सीसीटीव्हीत थरकाप उडवणारी घटना कैद

विठ्ठलवाडी रेल्वे स्थानकात घडलेली घटना फलाटावरील सीसीटीव्ही कॅमेऱ्यात कैद झाली आहे. या व्हिडिओमध्ये व्यक्ती आपल्या मुलासोबत ट्रेनची वाट बघत फलाटावर उभी असल्याचे दिसते. त्या मुलाला त्या व्यक्तीने घट्ट पकडून ठेवले आहे. त्याचवेळी तो मुलगा आपल्या वडिलांच्या तावडीतून स्वतःची सुटका करून घेण्याचा प्रयत्न करत आहे. ज्यावेळी ट्रेन आली, तेव्हा बापाने मुलाला सोबत घेऊन ट्रेनसमोर उडी मारली. ही अंगाचा थरकाप उडवणारी घटना संध्याकाळी ६. ०८ वाजताच्या सुमारास घडली. या घटनेत मुलगा आश्चर्यकारकरित्या बचावला आहे. तर त्याच्या वडिलांचा मृत्यू झाला.

Murder: डोंबिवलीत धक्कादायक घटना; विवाहित महिलेचा मृतदेह घरातील सोफ्यात कोंबला अन्…