मी मुंबई क्रिकेट असोसिएशनचा उपाध्यक्षही आहे. माझ्यासंदर्भात काही नेत्यांकडून वक्तव्ये केली जात आहेत. माझ्या उत्पन्नाचा तपशील आयकर खात्याला सादर करण्यात आलेल्या विवरणपत्रात आहे. मी महाराष्ट्र सरकारचे कोणतेही कंत्राट घेतले नव्हते.

 

Raut Amol kale

अमोल काळे आणि संजय राऊत

हायलाइट्स:

  • काही नेत्यांकडून संभ्रम निर्माण करण्यासाठी हेतुपूर्वक माझी बदनामी केली जात आहे
  • अशा लोकांविरोधात मी कायदेशीर कारवाई सुरु करत आहे
मुंबई: शिवसेना खासदार संजय राऊत यांनी महाआयटी घोटाळ्याचे सूत्रधार म्हणून उल्लेख केलेली अमोल काळे ही व्यक्ती अखेर समोर आली आहे. अमोल काळे यांनी गुरुवारी एक निवेदन प्रसिद्ध करत आपली बाजू मांडली. यावेळी अमोल काळे (Amol Kale) यांनी संजय राऊत यांना अप्रत्यक्षपणे का होईन पण कठोर इशारा दिला आहे. ‘टीव्ही ९ मराठी’ने यांदर्भात वृत्त दिले आहे. अमोल काळे यांनी आपल्या निवेदनात म्हटले आहे की, मी एक खासगी व्यावसायिक आहे. मी मुंबई क्रिकेट असोसिएशनचा उपाध्यक्षही आहे. माझ्यासंदर्भात काही नेत्यांकडून वक्तव्ये केली जात आहेत. माझ्या उत्पन्नाचा तपशील आयकर खात्याला सादर करण्यात आलेल्या विवरणपत्रात आहे. मी महाराष्ट्र सरकारचे कोणतेही कंत्राट घेतले नव्हते. तरीही काही नेत्यांकडून संभ्रम निर्माण करण्यासाठी हेतुपूर्वक माझी बदनामी केली जात आहे. मी कुठेही पळून गेलेलो नाही. अशा लोकांविरोधात मी कायदेशीर कारवाई सुरु करत आहे, असे अमोल काळे यांनी म्हटले आहे. त्यामुळे आता यावर संजय राऊत आणि शिवसेना काय भूमिका घेणार हे पाहावे लागेल. (Sanjay Raut Allegations It Scam In Fadnavis Govt Suspect Amol Kale Fled To London)
Sanjay Raut : संजय राऊत मुख्यमंत्री उद्धव ठाकरेंच्या भेटीला, सोमय्यांना दिलेला ‘तो’ इशारा खरा ठरणार?
अमोल काळे लंडनला पळाल्याचा दावा

अमोल काळे हा लंडनला पळून गेल्याचा संशय काँग्रेसचे प्रवक्ते अतुल लोंढे यांनी व्यक्त केला होता. संजय राऊत साहेबांनी पत्रकार परिषद घेऊन उघड केलेल्या घोटाळ्यातील एक घोटाळेबाज लंडनला पळून गेल्याची माहिती मिळतेय. तो घोटाळेबाज अमोल काळे तर नाही ना ? कुठे आहे अमोल काळे ?, असा सवाल अतुल लोंढे यांनी उपस्थित केला. त्यामुळे अमोल काळे या नावाभवतीचं गुढ आणखीनच वाढले होते.
किरीट सोमय्यांसाठी तुम्ही मध्ये पडू नका; अन्यथा लोक तुमचीही धिंड काढतील; राऊतांचा भाजप नेत्यांना इशारा
संजय राऊत यांनी काय आरोप केले होते?

शिवसेना खासदार संजय राऊत यांनी नुकत्याच झालेल्या पत्रकारपरिषदेत देवेंद्र फडणवीस सरकारच्या काळात २५ हजार कोटी रुपयांचा महाघोटाळा झाल्याचा आरोप केला होता. या घोटाळ्यात अमोल काळे (Amol Kale) आणि विजय ढवंगाळे हे मुख्य सूत्रधार असल्याचेही राऊत (Sanjay Raut) यांनी म्हटले होते. या दोघांच्या बँक खात्यातून पैसे कुठे कुठे गेले, विना टेंडर कोणाला कंत्राट दिले गेले, हा पैसा कुठे कुठे गेले याची तक्रार आपण करणार असल्याची घोषणा खासदार राऊत यांनी केली होती. पाच हजार कोटींचा हिशोब माझ्याकडे आलेला आहे. याबाबतची सगळी माहिती मी संबंधित तपास यंत्रणांकडे देणार असल्याचे संजय राऊत यांनी म्हटले होते. तसेच अमोल काळे हा कोण आहे, याचा खुलासा भाजपने करावा. अन्यथा आम्ही त्याला समोर आणू, असा इशाराही संजय राऊत यांनी दिला होता.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : amol kale accuse in it scam in fadnavis govt tenure amol kale warns sanjay raut
Marathi News from Maharashtra Times, TIL Network

LEAVE A REPLY

Please enter your comment!
Please enter your name here