लाहोर, पाकिस्तान :

पाकिस्तानची रावी नदी जगातील सर्वात प्रदूषित नदी ठरल्याचं एका अभ्यासातून समोर आलंय. रावी नदीच्या पाण्यात सर्वाधिक धोकादायक जीवाणू आढळून आलेत.

जगातील सर्वाधिक प्रदूषित नद्यांच्या यादीत (Most Polluted Rivers in the World in 2022) लॅटिन अमेरिकन देश बोलिव्हियाची ‘ला पाझ’ नदी दुसऱ्या स्थानावर आहे तर आफ्रिकन देश इथिओपियाच्या अदिस अबाबाची नदी ‘प्रणाली‘ तिसऱ्या स्थानावर आहे.

‘यॉर्क युनिव्हर्सिटी रिव्हर पोल्यूशन स्टडी’च्या (York University River Pollution Study) संशोधकांच्या टीमकडून ‘जगातील सर्वाधिक प्रदूषित नदी २०२२‘मधील नद्यांची प्रदूषणाची पातळी ध्यानात घेता या नद्यांच्या किनारी भागात राहणाऱ्या लोकांना धोक्याचा गंभीर इशारा देण्यात आलाय.

बांगलादेशातही नद्यांमधील प्रदूषणाची पातळी प्रमाणापेक्षा कितीतरी पटीनं अधिक असल्याचं आढळून आलंय.

Brazil Floods: ‘रिओ दि जेनेरिओ’त पूर आणि भूस्खलनामुळे भीषण हानी, १८ जणांचा मृत्यू
पहिल्यांदाच… एचआयव्ही पॉझिटिव्ह महिलेची विषाणूवर यशस्वी मात!
१०४ देशांतील २५८ ठिकाणांहून नमुने गोळा

‘डॉन’ वृत्तपत्रानं दिलेल्या माहितीनुसार, या निष्कर्षापर्यंत पोहोचण्यासाठी, यॉर्क विद्यापीठानं सर्व खंडातील १०४ देशांतील २५८ ठिकाणांवरील १०५२ नमुन्यांचं परिक्षण केलं. याद्वारे पाण्यातील पॅरासिटेमॉल, निकोटीन, कॅफीन यांसारख्या औषधांची मिसळ तसंच अपस्मार (एपिलेस्पी) आणि मधुमेहाचे अंशांचा अभ्यास केला.

या अभ्यासानुसार पाकिस्तानच्या पंजाब प्रांताची राजधानी लाहोर इथून वाहणाऱ्या रावी नदीत या औषधांची सरासरी ७०.८ मायक्रोग्रॅम प्रति लीटर आढळून आली. तर एका नमुन्यात ही पातळी १८९ मायक्रोग्रॅम प्रति लिटरपर्यंत पोहोचलेली दिसून आली.

प्रदूषणात बोलिव्हियाची ‘ला पाझ’ नदी दुसऱ्या क्रमांकावर

अभ्यासाच्या निष्कर्षानुसार, बोलिव्हियाची ला पाझ नदी प्रदूषणाच्या बाबतीत दुसऱ्या क्रमांकावर आहे. या नदीच्या पाण्यात औषधांची सरासरी पातळी ६८.९ मायक्रोग्रॅम प्रति लिटर होती. इथिओपियाची राजधानी अदिस अबाबाच्या नदी ‘प्रणाली’मध्ये या प्रदूषकांचे प्रमाण ५१.३ मायक्रोग्रॅम प्रति लिटर होते.

कमी आणि मध्यम उत्पन्न असलेल्या देशांतील नद्यांची स्थिती अत्यंत चिंताजनक असल्याचं संशोधनातून दिसून आलं. नद्यांच्या काठावर कचरा टाकणं, जलशुद्धीकरण केंद्राचा अभाव, गटाराचे पाणी नदीत पडणे आदी समस्या शहरी भागात आढळून आल्या आहेत.

Saudi Arabia Law : ‘रेड हार्ट’ इमोजी पाठवणं गुन्हा? सौदीतला कायदा म्हणतो…
Prince Andrew Scandal: ‘राजकुमारा’कडून बलात्काराची भरपाई, १२२ कोटी डॉलर्स देऊन तुरुंगवास टाळणार

LEAVE A REPLY

Please enter your comment!
Please enter your name here