पुणे : ‘केंद्रातील भारतीय जनता पक्षाचे सरकार आपल्या बहुमताच्या आधारावर देशाची राज्यघटना बदलण्याचा प्रयत्न करीत आहे. या जातीयवादी शक्तींना आळा घालण्यासाठी काँग्रेसच्या कार्यकर्त्यांनी पक्षाचे हात बळकट करून २०२४ च्या निवडणुकीत काँग्रेस पक्षाला सत्तेत आणण्याचा निर्धार करावा,’ असे आवाहन माजी केंद्रीय मंत्री व महाराष्ट्र काँग्रेसचे निवडणूक अधिकारी पल्लम राजू यांनी गुरुवारी काँग्रेसच्या कार्यकर्त्यांना केले.

पल्लम राजू यांच्या अध्यक्षतेखाली काँग्रेस भवन येथे पश्चिम महाराष्ट्रातील जिल्हा काँग्रेस कमिटीचा डिजिटल सभासद नोंदणीबाबत आढावा बैठकीचे आयोजन करण्यात आले होते. या वेळी पुणे शहर जिल्हा काँग्रेस कमिटीचे अध्यक्ष रमेश बागवे व माजी आमदार मोहन जोशी यांच्या हस्ते राजू यांचा सत्कार करण्यात आला. राष्ट्रीय सरचिटणीस सोनल पटेल, डिजिटल सभासद नोंदणीचे राज्य समन्वयक राहुल साळवे, प्रदेश उपाध्यक्ष भाई नगराळे, विशाल पाटील, आमदार संग्राम थोपटे, आमदार संजय जगताप, पिंपरी- चिंचवडचे अध्यक्ष कैलास कदम, सरचिटणीस ॲड. अभय छाजेड, अरविंद शिंदे, राजन भोसले, चिटणीस राजेंद्र शेलार, नगरसेवक अविनाश बागवे, राजेंद्र शिरसाट आदी उपस्थित होते.

मुंबईतील प्रभाग पुनर्रचनेचे काय होणार?
‘अखिल भारतीय काँग्रेस कमिटीतर्फे देशभर सभासद नोंदणी अभियान राबविण्यात येत आहे. डिजिटल मेंबरशिपद्वारे जनतेमध्ये जाऊन काँग्रेस पक्षाचे ध्येयधोरणे सांगून त्यांना पक्षाचे क्रियाशील सभासद करण्यावर भर देण्यात येत आहे. पक्षसंघटना बळकट करण्यासाठी सर्वांनी जास्तीत जास्त सभासद नोंदणी करावी,’ अशी सूचना राजू यांनी केली. ‘पक्ष संघटना मजबूत झाली तरच आपण सत्तेवर येवू शकतो. त्यामुळे जास्तीत जास्त सभासद नोंदणी करण्याची गरज आहे,’ असे पटेल म्हणाल्या. ‘गेली १५ दिवस आपण या डिजिटल सभासद नोंदणीसाठी शहर पातळीवर व ब्लॉक पातळीवर प्रशिक्षणाचा कार्यक्रम राबविला. पुणे शहरामध्ये ६५ मुख्य नोंदणीकृतांची नेमणूक केली आहे आणि बूथ पातळीवर एक महिला व एक पुरुष यांची नेमणूक करण्यात येणार आहे,’ असे बागवे म्हणाले.

पुण्यात बांधकाम व्यावसायिकाची मोठी फसवणूक; पती-पत्नीविरोधात गुन्हा दाखल

LEAVE A REPLY

Please enter your comment!
Please enter your name here