औरंगाबाद : आरोप-प्रत्यारोपावरून आधीच राज्यातील राजकीय वातावरण तापले असताना, आता ठाकरे सरकारमधील महसूल राज्यमंत्री अब्दुल सत्तार यांच्यावर झालेल्या आरोपांवरून सत्तार यांच्या अडचणीत वाढ होण्याची शक्यता आहे. सिल्लोड विधानसभा मतदार संघातून सार्वत्रिक निवडणुकीत नामनिर्देशनपत्र दाखल करताना मालमत्ता खरेदीसंदर्भात शपथपत्रात खोटी माहिती सादर केली, असा आरोप करणारा फौजदारी अर्ज सिल्लोड न्यायालयात दाखल झाला आहे. तर याप्रकरणी न्यायालयाने पोलिसांना चौकशीकरून अहवाल सादर करण्याचे आदेश सुद्धा दिले आहेत.

याप्रकरणी अधिक माहिती अशी की,नोटरी अॅड. एस. के. ढाकरे यांच्याशी संगनमत करून मालमत्ता खरेदीच्या संदर्भाने शपथपत्रात खोटी माहिती सादर केली, असा आरोप महेश शंकरलाल शंकरपेल्ली व डॉ. अभिषेक सुभाष हरिदास यांनी केला आहे. याप्रकरणी सिल्लोड न्यायालयात फौजदारी अर्ज दाखल करण्यात आला होता, त्याबाबत सुनावणीप्रसंगी प्रथमवर्ग न्यायदंडाधिकारी मीनाक्षी धनराज यांनी सिल्लोड पोलिसांना चौकशी करून अहवाल सादर करण्याचे आदेश दिले आहेत.

Weather Alert : राज्यात १९ तारखेपासून पावसाची शक्यता, ‘या’ जिल्ह्यांना हवामान खात्याकडून अलर्ट
काय आहेत आरोप…

सत्तार यांनी दोन्ही निवडणुकीत शेतजमिनीच्या तपशिलात दिलेल्या माहितीत तफावत आढळून येयेत असल्याचा आरोप करण्यात आला असून, प्रतिज्ञापत्रानुसार दहिगाव सर्वे नं. ३१. १३१, ३५, ३९, २९ ही शेतजमीन त्यांनी २ लाख ७६ हजार २५० रुपयांत खरेदी केल्याचे दाखविले आहे. तर २०१४ मधील प्रतिज्ञापत्रानुसार हीच जमीन त्यांनी ५ लाख ६ हजार रुपयांत खरेदी केल्याचे दाखविले.

आणखी एका प्रस्तावावरून राष्ट्रवादी-भाजपमध्ये वाद, पुण्यात नगरसेवक तापले
तसेच उमेदवाराला त्यांचा व अवलंबित व्यक्तींच्या तसेच पत्नीच्या वाणिज्य इमारतीचा तपशील द्यावा लागतो. मात्र सत्तार यांनी दोन्ही निवडणुकीसाठी नामनिर्देशनपत्रांमध्ये वाणिज्य इमारतींच्या तपशिलात तफावत आढळते, असा आरोप करण्यात आला आहे. ज्यात सर्व्हे ३६४ निवासी इमारतीची खरेदी २०१९ मध्ये १ लाख ६५ हजार रुपये दाखवली. तर २०१४ मधील प्रतिज्ञापत्रानुसार याच निवासी इमारतीची खरेदी किंमत १६ लाख ५३ हजार रुपये दाखविण्यात आली आहे. तसेच सिल्लोड सर्व्हे नं. ९०-२ या वाणिज्य इमारतीची खरेदी २८,५०० नमूद केली आहे. तर २०१४ मधील प्रतिज्ञापत्रानुसार याच वाणिज्य इमारतीची खरेदी किंमत ४६ हजार नमूद केली असल्याचा आरोप करण्यात आला आहे.

नागरिकांनो लक्ष द्या, अन्यथा शहराचा पाणीपुरवठा होईल बंद

LEAVE A REPLY

Please enter your comment!
Please enter your name here