करोना महामारीच्या तिसर्‍या लाटेसाठी जबाबदार असलेला ओमिक्रॉन व्हेरियंटचा प्रभाव आता जगभरात ओसरत जाताना दिसून येतोय. करोनाला रोखण्यासाठी घालण्यात आलेले कठोर निर्बंध अनेक देशांकडून हटवले जात आहेत. मात्र याच दरम्यान, जागतिक आरोग्य संघटनेच्या (WHO) अधिकाऱ्यांकडून ओमिक्रॉनच्या BA.1, BA.2 या बदललेल्या स्वरूपाबद्दल चिंता व्यक्त केलीय.
‘ओमिक्रॉन व्हेरियंटच्या मूळ रुपातही आता बदल दिसून येत आहे. हा व्हेरियंट अनेक उप-स्वरुप तयार करत आहे. आम्ही या बदललेल्या स्वरुपांची माहिती घेत आहोत. आता आमच्यासमोर BA.1, BA.1.1, BA.2 आणि BA.3 ही स्वरुपं दाखल झालेली आहेत’ असं WHO नं आपल्या सोशल मीडियावर शेअर केलेल्या एका व्हिडिओत म्हटलंय.
WHO मधील कोविड-१९ टेक्निकल लीड मारिया व्हॅन केरखोव्ह यांनी गुरुवारी एका ब्रीफिंगमध्ये ही माहिती दिली.
Singapore PM: सिंगापूर पंतप्रधानांकडून नेहरुंचं गुणगान; संसदेतील ‘आरोपी’ सदस्यांवर टिप्पणी
Afghanistan Crisis: अमेरिकेची खंत, अफगाणिस्तान प्रकरणात पाकचं सहकार्य मिळालं असतं तर…
‘अधिकतर सिक्वेन्स BA.1 या उपस्वरुपाचे आढळून येत आहेत. परंतु, BA.2 च्या सिक्वेन्सच्या प्रकरणांतही वाढ झाल्याचं आढळून आले’ असंही जागतिक आरोग्य संघटनेकडून सांगण्यात आलंय.
करोना चाचणी दरम्यान कोविड नमुन्यांचं जिनोम सिक्वेन्सिंग केलं जातं. त्यामुळे करोनाच्या नेमक्या कोणत्या स्वरुपामुळे संक्रमण झालंय? याचा थांगपत्ता लागू शकतो. ‘ओमिक्रॉन’ या प्रकाराला BA.1 असं नाव देण्यात आलंय.
जागतिक आरोग्य संघटनेच्या म्हणण्यानुसार, कोविड-१९ मुळे गेल्या आठवड्यात जगभरात जवळपास ७५ हजार मृत्यूंची नोंद करण्यात आलीय. जागतिक आरोग्य संघटनेनं ओमिक्रॉन प्रकाराच्या BA.2 उपप्रकाराबाबत जगाला इशारा दिला आहे. BA.2 हा ओमिक्रॉन व्हेरियंट इतर कोरोना उप-प्रकारापेक्षा वेगानं पसरतो. BA.2 हा व्हेरियंट BA.1 हून अधिक प्राणघातक असल्याचा कोणताही पुरावा नाही. पण आम्ही यावर लक्ष ठेवून आहोत, असंही डब्ल्यूएचओननं म्हटलंय.
ओमिक्रॉन हा सौम्य प्रकार नाही परंतु, हा डेल्टाहून कमी प्राणघातक आहे, असंही एब्ल्यूएचओ अधिकाऱ्यांनी स्पष्ट केलंय.
ओमिक्रॉन व्हेरियंट दाखल झाल्यानंतर रुग्णांच्या संख्येत अचानक वाढ झाल्याचं दिसून आलं. मृत्यूदरातही वाढ होताना दिसून आली. हा सामान्य सर्दी ताप नाही. आपल्याला खूपच सावध राहण्याची आवश्यकता आहे, असा इशाराही जागतिक आरोग्य संघटनेच्या अधिकाऱ्यांनी दिलाय.
WHO च्या म्हणण्यानुसार, जगभरात नोंदविल्या जाणाऱ्या करोनाच्या ओमिक्रॉन संक्रमणाच्या रुग्णांत जवळपास पाच पैंकी एक रुग्ण BA.2 नं संक्रमित असल्याचं आढळून येतंय.
Storm Eunice: ‘युनिस’ चक्रीवादळाचा धोका, नेदरलँडकडून १६७ उड्डाणं रद्द
Online Gambling Addiction: करोनाकाळात ‘ऑनलाइन गॅम्बलिंग’चे व्यसन
