आज शिवजयंती आहे. हा मुद्दा आत्ता उपस्थित करण्याचे कारण नाही. या व्यासपीठावर मी, बाळासाहेब थोरात, दिलीप वळसे-पाटील बसलो आहोत. आम्ही पण मराठ्याच्या पोटीच जन्माला आलो आहोत ना. मग आम्हाला आमच्या जातीचा आणि समाजाचा अभिमान नाही का?
उपमुख्यमंत्री अजित पवार
हायलाइट्स:
- अजित पवार यांचं भाषण सुरु असताना ते ओबीसी आरक्षणाबाबत बोलत होते
- तितक्यात खाली बसलेल्या गर्दीतून एका तरूणाने सर्वांदेखत मराठा आरक्षणावरून अजित पवार यांना जाब विचारायला सुरुवात केली
आज शिवजयंती आहे. हा मुद्दा आत्ता उपस्थित करण्याचे कारण नाही. या व्यासपीठावर मी, बाळासाहेब थोरात, दिलीप वळसे-पाटील बसलो आहोत. आम्ही पण मराठ्याच्या पोटीच जन्माला आलो आहोत ना. मग आम्हाला आमच्या जातीचा आणि समाजाचा अभिमान नाही का? शिवबांनी आपल्याला काय शिकवलंय? छत्रपती शिवाजी महाराज यांनी अठरापगड जातींना एकत्र घेऊन स्वराज्य स्थापन केले होते. ही गोष्ट सगळ्यांनाच मान्य करावी लागेल. तरुण मुलांचं रक्त सळसळतं असतं. पण मराठा आरक्षणाचा प्रश्न हा सर्वोच्च न्यायालयात प्रलंबित आहेत. यामधील कायेदशीर बारकावेही लक्षात घेतले पाहिजेत, असे अजित पवार यांनी म्हटले. बाळसााहेब थोरात, सीताराम कुंटे, मुख्यमंत्री आणि मी असे चार-पाचजण पंतप्रधानांना भेटलो. आम्ही पंतप्रधानांकडे १२ मागण्या केल्या. त्यातील मराठा आरक्षणाची पहिली मागणी होती. पंतप्रधानांनी चर्चा करण्याचं आश्वासन दिलं होतं, असेही अजित पवार यांनी सांगितले. यावेळी त्यांनी संभाजीराजे छत्रपती यांनीही मराठा आरक्षणासाठी घेतलेल्या उपोषणाच्या भूमिकेवर फेरविचार करण्याचे आवाहन केले. तत्पूर्वी किल्ले शिवनेरीवर शिवजन्माचा सोहळा पार पडला. या कार्यक्रमाला अजित पवार, बाळासाहेब थोरात आणि आदित्य ठाकरे हे उपस्थित होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
या बातम्यांबद्दल अधिक वाचा
Web Title : ajit pawar slams youth after create interruption in speech over maratha reservation at kille shivneri
Marathi News from Maharashtra Times, TIL Network
Marathi News from Maharashtra Times, TIL Network
