समीर वानखेडे यांनी १९९७ मध्ये बारचा परवाना मिळवला होता. मात्र, त्यावेळी समीर वानखेडे यांचे वय १८ वर्षांपेक्षा कमी होते. परंतु, समीर वानखेडे यांनी खोटी माहिती देऊन बारचा परवाना मिळवला होता. ही माहिती उघड झाल्यानंतर ठाण्याच्या जिल्हाधिकाऱ्यांकडून समीर वानखेडे यांच्या बारचा परवानाच रद्द करण्यात आला.

 

Sammer Wankhede (1)

समीर वानखेडे

हायलाइट्स:

  • हा समीर वानखेडे यांच्यासाठी एनसीबीतील बदलीनंतरचा दुसरा मोठा धक्का मानला जात आहे
  • ठाण्यातील कोपरी पोलीस ठाण्यात हा गुन्हा नोंदवण्यात आला
मुंबई: अमली पदार्थ नियंत्रण कक्षाचे (NCB) मुंबईतील माजी विभागीय संचालक समीर वानखेडे यांना ठाकरे सरकारने आणखी एक दणका दिला आहे. बारचा परवाना मिळवण्यासाठी खोटी माहिती दिल्याच्या कारणावरून समीर वानखेडे (Sameer Wankhede) यांच्यावर गुन्हा दाखल करण्यात आला आहे. राज्य उत्पादन शुल्क विभागाने त्यांच्यावर हा गुन्हा दाखल केला आहे. ठाण्यातील कोपरी पोलीस ठाण्यात हा गुन्हा नोंदवण्यात आला आहे. हा समीर वानखेडे यांच्यासाठी एनसीबीतील बदलीनंतरचा दुसरा मोठा धक्का मानला जात आहे. काही दिवसांपूर्वीच नवी मुंबईतील समीर वानखेडे यांच्या मालकीच्या सद्गुरू हॉटेल अँण्ड बारचा परवानाही रद्द करण्यात आला होता. ठाण्याचे जिल्हाधिकारी राजेश नार्वेकर यांच्याकडून ही कारवाई करण्यात आली होती. त्यानंतर आता गुन्ह्याची नोंद झाल्याने समीर वानखेडे यांच्या अडचणी वाढण्याची शक्यता आहे. यावर आता समीर वानखेडे काय भूमिका घेतात, हे पाहावे लागेल.
Sameer Wankhede : समीर वानखेडे यांना SC आयोगानं दिला मोठा दिलासा
काय आहे प्रकरण?

समीर वानखेडे यांनी १९९७ मध्ये बारचा परवाना मिळवला होता. मात्र, त्यावेळी समीर वानखेडे यांचे वय १८ वर्षांपेक्षा कमी होते. परंतु, समीर वानखेडे यांनी खोटी माहिती देऊन बारचा परवाना मिळवला होता. ही माहिती उघड झाल्यानंतर ठाण्याच्या जिल्हाधिकाऱ्यांकडून समीर वानखेडे यांच्या बारचा परवानाच रद्द करण्यात आला.
समीर वानखेडेंची दोन दिवस चौकशी
समीर वानखेडेंची महसूल गुप्तचर संचलनालयात बदली

आर्यन खान ड्रग्ज प्रकरणातील गदारोळानंतर समीर वानखेडे यांची डीआरआय (डायरेक्टरेट ऑफ रेव्हेन्यू इंटेलिजन्स) विभागामध्ये बदली करण्यात आली होती. मुंबई एनसीबीच्या झोनल डायरेक्टर पदावर नियुक्ती होण्यापूर्वी समीर वानखेडे याच विभागात होते. डीआरआय विभागातूनच त्यांना मुंबई एनसीबीमध्ये आणून झोनल डायरेक्टर करण्यात आले. आता त्यांची पुन्हा डीआरआयमध्ये बदली करण्यात आली आहे. समीर वानखेडे यांची ऑगस्ट २०२० मध्ये मुंबईतील एनसीबीच्या विभागीय संचालकपदी नियुक्ती करण्यात आली होती.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : sameer wankhede former ncb mumbai zonal director case filed by state excise commissionerate in false information provided for sadguru hotel and bar
Marathi News from Maharashtra Times, TIL Network

LEAVE A REPLY

Please enter your comment!
Please enter your name here