श्रीनगरः जम्मू-काश्मीरमध्ये दहशतवादविरोधी मोहिमेत पोलीस आणि सुरक्षा दलांना मोठं यश मिळालं आहे. पोलीस आणि सुरक्षा दलांनी केलेल्या संयुक्त कारवाईत हंडवाडामध्ये लश्कर ए तोयबाचं मॉड्युल उद्ध्वस्त करण्यात आलं. या कारवाईत ४ दहशतवाद्यांसह त्यांच्या तीन साथीदारांना अटक करण्यात आलीय.
पोलिसांनी चार दहशतवादी आणि त्यांना साथ देणाऱ्या तिघांकडून मोठ्या प्रमाणावर शस्त्रसाठा जप्त करण्यात आला आहे. काल रात्री ही कारवाई करण्यात आली. अटक केलेल्या दहशतवाद्यांकडून काश्मीर खोऱ्यातीव अनेक तरुणांना शस्त्र पुरवठा करण्यात येत असल्याचं समोर आलं. यानंतर पोलिसांकडून ठिकठिकणी छापे टाकण्यात येत आहेत.
पोलीस आणि सुरक्षा दलांच्या या कारवाईत तीन AK-47 रायफल्स, बंदुकीच्या मॅग्झिन्स, जिवंत काडतुसं, पिस्तुल आणि १२ हात बॉम्ब जप्त करण्यात आले आहेत.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
