भाजपच्या विरोधात उर्वरित राजकीय पक्षांना एकत्र करण्याचा केसीआर यांचा हेतू आहे. केसीआरच्या मिशनमध्ये प्रकाश राज महत्त्वाची भूमिका आहे. प्रकाश राज यांची राजकीय महत्त्वाकांक्षा कोणापासून लपलेली नाही. २०१९ च्या लोकसभा निवडणुकीत त्यांनी बेंगळुरू मध्य मतदारसंघातून अपक्ष म्हणून निवडणूक लढवली. पण त्यांचा पराभव झाला. अलिकडेच ते तेलुगु फिल्म इंडस्ट्रीच्या मूव्ही आर्टिस्ट असोसिएशन (MAA) च्या निवडणुकीतही पराभूत झाले. पण केसीआर यांच्या टीममध्ये त्यांच्या उपस्थितीने अनेकांना आश्चर्याचा धक्का बसला आहे.
केसीआर हे मुख्यमंत्री झाल्यापासून प्रकाश राज हे त्यांचे निकटवर्तीय बनले आहेत. केसीआर यांनी खूप व्यग्र असूनही २०१४ मध्ये प्रकाश राज यांच्यासोबत दोन ते तीन तास बैठक केली होती. प्रकाश राज हे सध्या मुंबईत चित्रपटाचे शूटिंग करत आहेत. अलिकडच्या काळात पंतप्रधान मोदी आणि भाजपवर जोरदार हल्लाबोल करणाऱ्या राज यांना केसीआर आपल्या टीममध्ये महत्त्वाचं स्थान देऊ शकतात. प्रकाश राज यांची कर्नाटक आणि तामिळनाडूमधील राजकीय नेत्यांसोबत चांगले संबंध आहेत, असे सूत्रांनी सांगितले.
केसीआर सध्या एमके स्टॅलिन आणि एचडी देवेगौडा यांचीही भेट घेणार आहेत. त्या बैठकांमध्येही प्रकाश राज महत्त्वाची भूमिका बजावू शकतात. एप्रिल २०१८ मध्ये केसीआर फेडरल फ्रंटच्या स्थापनेसंदर्भात देवेगौडा यांना भेटले, तेव्हाही प्रकाश राज त्यांच्यासोबत होते.
प्रकाश राज केसीआर यांच्या टीममध्ये दिसल्याने सोशल मीडियावर खळबळ उडाली आहे. प्रकाश राज यांना सोबत घेऊन केसीआरने चूक केली? असे ट्विट्स आता समोर आले आहेत.
प्रकाश राज यांच्या निमित्तानं भाजपने शिवसेनेवर हल्लाबोल केला आहे. भाजप नेते कपिल मिश्रा यांनी शिवसेनेवर टीका केली आहे. शिवसेनावर प्रश्न उपस्थित करणारे केसीआर आणि हिंदूंना शिवीगाळ करणाऱ्या प्रकाश राज यांच्यासाठी शिवसेनेने रेड कार्पेट टाकले आहे. ही बाळासाहेब ठाकरे यांची शिवसेना नाही. छत्रपती शिवाजी महाराजांना आराध्य मानणारी ही शिवसेनाही. हे अतिशय वाईट आहे, असा टोला कपिल मिश्रा यांनी लगावला आहे.
केसीआर भाजपविरोधात उभारत आहेत आघाडी
भाजपविरोधात समविचारी पक्षांना एकत्र आणण्याचा प्रयत्न करणार असल्याचे केसीआर यांनी यापूर्वीच सांगितले आहे. ते लवकरच पश्चिम बंगालच्या मुख्यमंत्री ममता बॅनर्जी यांची भेट घेणार आहेत. काँग्रेसचे अन्य पक्षांशी संबंध चांगले नसल्याचं ममता यांनी म्हटलं आहे. त्यामुळे प्रादेशिक पक्षांनाच एकत्र येऊन वेगळे उभे राहावे लागणार आहे, असे ममतांनी म्हटले आहे.
प्रकाश राजना सोबत घेतल्याने केसीआर यांची मोठी चूक?
संजय राऊत यांचं तेलंगणाच्या मुख्यमंत्र्यांशी ‘ते’ संभाषण माईकनं टिपलं, आशिष शेलार म्हणाले…
बारामतीत होणार भाजपेतर मुख्यमंत्र्यांची बैठक
उद्धव यांची भेट घेतल्यानंतर केसीआर यांनी राष्ट्रवादी काँग्रेसचे अध्यक्ष शरद पवार यांची भेट घेतली. लवकरच बारामतीत बिगरभाजप शासित मुख्यमंत्र्यांची भव्य बैठक घेण्यावर दोन्ही नेत्यांमध्ये सहमती झाली.
Tejas Thackeray: उद्धव ठाकरे-केसीआर भेटीवेळचा तेजस ठाकरे यांचा फोटो व्हायरल, चर्चांना उधाण
केसीआर अॅक्शनमध्ये येण्याचे कारण काय?
केसीआर यांची तामिळनाडूचे मुख्यमंत्री एम.के. स्टॅलिन आणि केरळचे मुख्यमंत्री पिनाराई विजयन यांच्यासोबतची भेटही महत्त्वाची मानली जाते. ममता बॅनर्जीही केसीआरना भेटण्यासाठी हैदराबादला जाऊ शकतात. एवढेच नाही तर त्यांना माजी पंतप्रधान एच. डी. देवेगौडा यांनीही पूर्ण पाठिंबा दिला आहे. भाजपला राष्ट्रपतीपदाच्या निवडणुकीसाठी एकमताने उमेदवार शोधावा लागेल. तेलंगणमधील आपला बालेकिल्ला वाचवण्यासाठी केसीआर हा प्रयत्न करताना दिसत आहेत. कारण भाजप तेलंगणमध्ये पक्ष वाढवत आहे. आणि राजकीय मजबुरीमुळे केसीआर यांना भाजपशी मुकाबला करणे भाग पडले आहे.
