औरंगाबाद : विरोधीपक्ष नेते देवेंद्र फडणवीस यांनी आज ( सोमवारी ) औरंगाबादेत शिवसेनेवर सडकून टीका केली. दलालीमध्ये अडकलेल्या ठाकरे सरकारला मराठवाड्याची चिंता नसून, ज्या मराठवाड्याने शिवसेनेला नावं दिलं तीच शिवसेना आज मराठवाड्याला विसरली असल्याचा टोला फडणवीस यांनी लगावला. गंगापूर तालुक्यातील लासुर स्टेशन येथे वेगवेगळ्या योजनांचे लाभार्थ्यांना वाटप कार्यक्रमात ते बोलत होते.

यावेळी बोलताना फडणवीस म्हणाले की, अनेक लोकांच्या फक्त भाषणातच मराठवाडा असून, त्यांच्या मनात मराठवाडा नाही. जर त्यांच्या मनात मराठवाडा असता तर मराठवाड्याची कवचकुंडल, अनेकवर्षाच्या संघर्षातून मराठवाडा वैधानिक विकास महामंडळ तयार केलं होतं त्याचा मूडदा या सरकराने पाडला नसता,असा आरोप फडणवीस यांनी केला.

अरेच्चा! विवाहित पुरुषांच्या बायकोविरोधात १२७ तक्रारी, कारण वाचून तुम्हीही हादराल

त्यामुळे आता मराठवाड्याला पैसा दिला काय आणि नाही दिला काय याचा काहीच फरक पडत नाही. या सरकारला जाब विचारेल अशी कोणतीही कुठली वैधानिक व्यवस्थाच उरली नाही. एवढच नाही तर ज्या मराठवाड्याने शिवसेनेला नावं दिलं तीच शिवसेना आज मराठवाड्याला विसरली असल्याचं सुद्धा फडणवीस म्हणाले.

राज्यातील हे सरकार कुठे आहे माहीत नाही’

हे सरकार मुंबईच्या उंच उंच इमारतीत हरवल आहे. हे सरकार तिथल्या दलदलीमध्ये व्यापलेल आहे. त्यांना मराठवाडा माहीत नाही, मराठवाड्यातला शेतकरी काय करतो माहिती नाही, इथला शेतमजूर कसा जगतो हे त्यांना माहीत नाही,असेही फडणवीस म्हणाले. तसेच मोठ्या-मोठ्या लोकांची थकबाकी असूनही वीज कनेक्शन कट केलं जात नाही, मात्र शेतकऱ्यांचे वीज कनेक्शन कट केले जात आहे. शेतकरी अडचणीत असताना बिल भरले नाही म्हणून वीज कनेक्शन कट केलं जात आहे. पण आमचं सरकार असताना असं झालं होतं का? असा प्रश्नही फडणविसांनी यावेळी उपस्थित केला.

‘माय लास्ट लोकेशन..’ असं व्हॉट्सअॅप स्टेटस ठेवलं अन् उचलले टोकाचे पाऊल!

LEAVE A REPLY

Please enter your comment!
Please enter your name here