मुंबई: मुंबई आणि महाराष्ट्रासाठी ‘पॉझिटिव्ह’ बातमी आहे. राज्यातील करोना रुग्णांची संख्या झपाट्याने कमी होत असून, तिसरी लाट जवळपास संपुष्टात आल्याचे चित्र आहे. काल, रविवारच्या तुलनेत आज, सोमवारी (२१ फेब्रुवारी २०२२) करोनाच्या नवीन रुग्णसंख्येत मोठी घट नोंदवली आहे. राज्यात गेल्या २४ तासांत ८०६ नवीन करोनाबाधित रुग्ण आढळले आहेत. तर करोनामुळे चार जणांचा मृत्यू झाला आहे. दिलासादायक बाब म्हणजे, राज्यातील रुग्ण बरे होण्याचे प्रमाण ९७.९४ टक्क्यांवर पोहोचले आहे.

राज्यातील सद्यस्थिती

आज २,६९६ रुग्ण बरे होऊन रुग्णालयातून घरी सोडण्यात आले

राज्यात आजपर्यंत एकूण ७६,९७,१३५ करोनाबाधित रुग्ण बरे होऊन घरी.

राज्यातील रुग्ण बरे होण्याचे प्रमाण (Recovery Rate) ९७.९४ टक्के इतके झाले आहे.

आज राज्यात ८०६ नवीन रुग्णांचे निदान

राज्यात आज ४ करोनाबाधित रुग्णांच्या मृत्यूंची नोंद

सध्या राज्यातील मृत्यूदर १.८२ टक्के एवढा आहे.

आजपर्यंत तपासण्यात आलेल्या ७,७२,८९,१०४ प्रयोगशाळा नमुन्यांपैकी ७८,५९,२३७ (१०.१७ टक्के) नमुने पॉझिटिव्ह आले आहेत.

सध्या राज्यात १,७६,३७८ व्यक्ती होम क्वारंटाइनमध्ये आहेत.

१,०३६ व्यक्ती संस्थात्मक क्वारंटाइनमध्ये आहेत.

Mumbai Corona Update : मुंबईत जवळपास २ वर्षांनी पहिल्यांदाच ‘असं’ घडलं; करोनाची आकडेवारी…Mumbai Local : मुंबई लोकल प्रवाशांसाठी महत्वाची बातमी; लससक्तीच्या आदेशावर हायकोर्ट म्हणाले…

राज्यात ५३ ओमिक्रॉनबाधित रुग्ण, पुण्यात ३१ रुग्ण

आज राज्यात ५३ ओमिक्रॉन (Omicron) बाधित रुग्ण आढळले आहेत. राष्ट्रीय रासायनिक प्रयोगशाळेकडून ही आकडेवारी प्रसिद्ध झाली आहे. एकट्या पुणे महापालिका क्षेत्रात सर्वाधिक म्हणजे ३१ ओमिक्रॉनचे रुग्ण आढळले आहेत. आजपर्यंत राज्यात एकूण ४५०९ ओमिक्रॉन विषाणूबाधित रुग्णांची नोंद झाली आहे. यापैकी ३९९४ रुग्णांना त्यांची आरटीपीसीआर चाचणी निगेटिव्ह आल्यानंतर रुग्णालयातून घरी सोडण्यात आले आहे. आजपर्यंत एकूण ८९०४ नमुने जनुकीय तपासणीसाठी पाठवण्यात आले असून, त्यांपैकी ८०४४ नमुन्यांचे अहवाल प्राप्त झालेले आहेत. ८६० नमुन्यांचे अहवाल अद्याप प्रलंबित आहेत.

मुंबईकरांना मिळतोय मोठा दिलासा! आठवड्यात चौथ्यांदा शून्य मृत्यू

पुणे महापालिका – ३१

अहमदनगर – १९

पुणे ग्रामीण – ०२

लातूर – ०१

मुंबईत करोना रुग्णसंख्येत मोठी घट

मुंबईतील करोना रुग्णांची संख्या झपाट्याने कमी होत आहे. आज, सोमवारी (गेल्या २४ तासांत) ९६ नवीन करोनाबाधित रुग्ण सापडले आहेत. १७ एप्रिल २०२० नंतर पहिल्यांदाच रुग्णसंख्या शंभराच्या खाली नोंदवली गेली आहे. दिवसभरात १८८ रुग्ण बरे झाले असून, त्यांना रुग्णालयातून डिस्चार्ज देण्यात आला आहे. तर एका रुग्णाच्या मृत्यूची नोंद झाली आहे. ठाण्यात गेल्या २४ तासांत २२ करोनाबाधित रुग्णांची नोंद झाली आहे. तर कल्याण-डोंबिवली परिसरात सहा नवीन करोनाबाधित रुग्ण आढळले आहेत.

coronavirus update करोना: राज्यात दैनंदिन मृत्यूसंख्येत मोठी घट; आज १ हजारावर नवे रुग्ण

LEAVE A REPLY

Please enter your comment!
Please enter your name here