जळगाव : भरधाव वेगाने जाणाऱ्या कारने उभ्या ट्रकला मागच्या बाजूने जोरदार धडक दिल्याने भीषण अपघात झाला. या अपघातात कारमधील चार जण जागीच ठार झाले, तर एक जण गंभीर जखमी झाल्याची घटना बुधवारी सायंकाळी साडेसात वाजेच्या सुमारास घडली. एरंडोल तालुक्यातील पिंपळकोठा येथील महामार्गावर हा अपघात झाला आहे. (Jalgaon Accident Latest Update)

विजयसिंग हरी परदेशी (वय ६५), तुषार उर्फ जयदीप मदन सिंग परदेशी (वय ३७), चतरसिंग पदम सिंग परदेशी (वय ४०, तिघे रा. जामडी ता. चाळीसगाव) आणि आबा रामचंद्र पाटील (वय ५५, वडजी त‍ा. भडगाव) अशी मृतांची नावे आहेत. तसंच रायसिंग पद्मसिंग राजपूत (वय ३७ रा. जामडी ता. चाळीसगाव) हा अपघातात गंभीर जखमी झाला आहे.

Mohit Kamboj: मोहित कंबोज यांना तलवार नाचवणं पडलं महागात, पोलिसांकडून गुन्हा दाखल

मिळालेल्या माहितीनुसार, परदेशी कुटुंबीय बुधवारी कार क्रमांक (एमएम १९ सीझेड ७३६०) ने एरंडोलकडून जळगावकडे जात होते. यादरम्यान भरधाव कारने पिंपळकोठ्याजवळ रस्त्यालगत प्रवासी उतरवीत असलेल्या एम.एच १८ ए.ए.८८६७ क्रमाकांच्या उभ्या ट्रकला जोरदार धडक दिली. हा अपघात इतका भीषण होता की कारमधील चालक चतरसिंग परदेशी, विजयसिंग परदेशी, जयदीप मदनसिंग परदेशी व आबा पाटील हे चौघे जागीच ठार झाले, तर रायसिंग पदमसिंग राजपूत हे थोडक्यात बचावले असून जखमी झाले आहेत. त्यांना पुढील उपचारार्थ जळगाव जिल्हा रुग्णालयात हलवण्यात आलं आहे.

अपघातामुळे महामार्गावरील दोन्हीकडील वाहतूक ठप्प झाली होती. घटनेची माहिती मिळाल्यावर एरंडोल पोलीस स्टेशनचे पोलीस हेडकॉन्स्टेबल काशिनाथ पाटील, अनिल पाटील आणि कर्मचाऱ्यांनी वाहतूक सुरळीत केली. मृतदेह एरंडोल ग्रामीण रुग्णालयात हलवण्यात आले आहेत. या ठिकाणी मृतांच्या नातेवाईकांनी मोठा आक्रोश केला.

दरम्यान, अपघातांतर क्रेनच्या मदतीने ट्रकमध्ये अडकलेली कार बाहेर काढण्यात आली. अपघाताच्या आवाजानंतर घटनास्थळी नागरिकांची मोठी गर्दी झाली होती.

LEAVE A REPLY

Please enter your comment!
Please enter your name here