मॉस्को / कीव :

रशियाचा युक्रेनवर हल्ला करण्याची भीती आता सत्यात उतरलीय. रशियन सैन्यानं युक्रेनच्या राजधानीला लक्ष्य करत युक्रेनियन सैन्यावर हल्ला चढवला आहे.

गुरुवारी सकाळी रशियाचे अध्यक्ष व्लादिमिर पुतीन यांनी युक्रेनच्या लष्कराला शस्त्रास्त्र खाली टाकून शरणागती पत्करण्याचं आवाहन केलं होतं. तसंच लष्करी कारवाईचेही आदेश दिले होते. एवढं मोठं पाऊल उचलूनही युक्रेनवर हल्ला करण्याचा आपला कोणताही हेतू नसल्याचंही वक्तव्य पुतीन यांनी बेधडकपणे केलं.

पुतीन यांच्या वक्तव्याला प्रत्यूत्तर देताना, ‘पुतीन यांनी युक्रेनवर हल्ला चढवत युद्धाला सुरूवात केलीय. युक्रेनच्या शांत शहरांवर हल्ले होत आहेत. हे एक आक्रमक युद्ध आहे. मात्र, या हल्ल्यापासून युक्रेन स्वतःचा बचाव करेल आणि जिंकेलही. जगानं पुतीन यांना थांबवावं. कारवाई करण्याची हीच वेळ आहे’ असं युक्रेनच्या परराष्ट्र मंत्रालयानं ट्विटरवर म्हटलं होतं.

LIVE रशियचा युक्रेनच्या लष्करी तळावर हल्ला, युक्रेनही भिडलं!

Russia Ukraine War: व्लादिमीर पुतीन यांच्याकडून युद्धघोषणा, युक्रेनला शरणागती पत्करण्याचं आवाहन
देशाच्या नागरिकांना आवाहन

रशियाच्या हल्ल्याचा सामना करत असलेल्या युक्रेननं जगभरात राहणाऱ्या आपल्या देशवासियांना भावनिक आवाहन केलंय. ‘रशियानं युक्रेनवर हल्ला केला असला तरी कुणीही पळून जाणार नाही. लष्कर, राजनैतिक अधिकारी सगळे काम करत आहेत. युक्रेन लढणार, युक्रेन स्वतःचा बचाव करणार… युद्ध जिंकणार, असा निर्धार युक्रेनचे परराष्ट्रमंत्री दिमित्रो कुलेबा यांनी व्यक्त केलाय. सोबतच, त्यांनी जगभरात राहत असलेल्या युक्रेनच्या जनतेलाही आवाहन केलंय. ‘तुम्ही राहत असलेल्या देशाला पुतीन यांच्या हल्ल्याची सत्यता सांगत राहा आणि तिथल्या सरकारांना त्वरीत कारवाई करण्यास सांगा’ असं आवाहनही कुलेबा यांनी केलंय.

Ukraine Crisis: युक्रेनचे नागरिकही रणांगणात; १८ ते ६० वयोगटातील नागरिकांना वर्षभर लष्कराची सेवा अनिवार्य
Ukraine Female Troops: युक्रेनमध्ये महिलाही लढाईसाठी सज्ज… हाती घेतलं हत्यार!
बेलारूसचाही रशियासोबत हल्ल्यात सहभागी

दरम्यान, युक्रेनची राजधानी कीव आणि विविध शहरांमध्ये गुरुवारी सकाळपासून स्फोट सुरू आहेत. रशियासोबत या हल्ल्यात बेलारूसनंही प्रत्यक्ष सहभाग नोंदवला आहे. रशिया-बेलारुसच्या सीमेवरून युक्रेनवर ठिकठिकाणी हल्ले करण्यात येत आहेत. युक्रेननंही याला ‘फुल स्केल अटॅक’ म्हटलंय.

Putin Announces Military Operation: ‘खबरदार कुणी मध्ये पडाल तर…’, पुतीन यांची अमेरिका – नाटोला धमकी!
Russia Ukraine War: रशियाला हल्ल्यापासून रोखावं, युक्रेनची जगाकडे मदतीची मागणी

LEAVE A REPLY

Please enter your comment!
Please enter your name here