पोलिसांनी दिलेल्या माहितीनुसार, जळगाव जिल्हा कारागृहात पोलीस शिपाई राम घोडके आणि सुभेदार सुभाष खरे, कुलदीपक दराडे, निवृत्ती पवार, नीलेश मानकर, रामचंद्र रोकडे, सीताराम हिवाळे हे बुधवारी सायंकाळी ६ वाजता बॅरेकमध्ये जाऊन कैद्यांची अंगझडती घेत होते. यादरम्यान एका बॅरेकमध्ये कैदी सचिन दशरथ सैंदाणे याची अंगझडती घेण्यासाठी ते गेले. त्याने अंगझडतीला विरोध केला आणि कर्मचाऱ्यांना अरेरावी करत शिवीगाळ व धक्काबुक्की केली. त्यानंतर लोखंडी पत्र्याने कर्मचाऱ्याला मारत स्वत:च्या डोक्यातही पत्र्याने वार करून घेतले.
Devendra Fadnavis: देवेंद्र फडणवीस यांच्याविरोधात ईडीकडे तीन वर्षांपूर्वीच तक्रार, पण चौकशीच झाली नाही; राष्ट्रवादीच्या नेत्याचा दावाघटनेची माहिती मिळाल्यावर सर्कल जेलर एस.पी पवार यांनी कारागृहाला भेट दिली. तसंच याप्रकरणी गुन्हा दाखल करण्याबाबत जिल्हापेठ पोलिसांना पत्र दिले. याबाबत पोलीस शिपाई राम घोडके यांनी दिलेल्या फिर्यादीवरून कैदी सचिन सैंदाणे याच्याविरोधात जिल्हापेठ पोलीस ठाण्यात गुन्हा दाखल करण्यात आला आहे.
दरम्यान, सचिन सैंदाणे हा शनिपेठ पोलीस ठाण्यात दाखल प्राणघातक हल्ल्याच्या गुन्ह्यात २५ सप्टेंबर २०१६ पासून जळगाव जिल्हा कारागृहात असल्याची माहिती मिळाली आहे.
