औरंगाबाद न्यूज लाइव्ह: नवाब मलिककांच्या कारवाईविरोधात आता महाविकास आघाडी एकत्र रस्त्यावर उतरणार – mahavikas aghadi will take to the streets together against the action of nawab malik

औरंगाबाद : मनी लॉन्ड्रिंग प्रकरणी अल्पसंख्यांक मंत्री नवाब मलिक यांना काल ईडीने अटक केली होती. त्यानंतर राज्यभरात राष्ट्रवादी कडून समर्थनात तर भाजपकडून मालिकांच्या राजीनाम्यासाठी आंदोलन सुरू आहे. त्यातच आता उद्या ( शुक्रवारी ) महाविकास आघाडीतील सर्व पक्ष एकत्रपणे रस्त्यावर उतरणार आहे. औरंगाबादमध्ये महाविकास आघाडीतील सर्वपक्षाच्या बैठकीत हा निर्णय घेण्यात आला आहे.

शिवसेना आमदार अंबादास दानवे यांच्या कार्यालयात आज या संदर्भात बैठक झाली या बैठकीत राष्ट्रवादीचे जिल्हाध्यक्ष कैलास पाटील, कच्छ जिल्हा अध्यक्ष कल्याण काळे यांच्यासह दानवे यांची उपस्थिती होती. यावेळी बैठकीत नवाब मलिक यांच्यावर झालेल्या ईडीच्या कारवाईच्या निषेधार्थ शहरातील क्रांती चौकात उद्या १० वाजता महाविकासआघाडीकडून धरणे आंदोलन करण्यात येणार आहे.

आमदार रवी राणा यांना आली भोवळ, रॅली सुरू चक्कर येऊन पडले; पाहा VIDEO
भाजपकडूनही आंदोलन….

नवाब मलिक यांच्या विरोधात आज औरंगाबाद मध्ये भाजपकडून हे आंदोलन करण्यात आलं. औरंगाबाद जिल्हाधिकारी कार्यालयासमोर भाजपकडून आंदोलन करत, नवाब मलिक यांचा राजीनामा घेण्याची मागणी करण्यात आली आहे. तर राष्ट्रवादीकडूनही मलिक यांच्या समर्थानात निदर्शने करण्यात आली.

अन्यथा संपूर्ण महाराष्ट्रात महावितरणाची कार्यालयं दिसणार नाही; स्वाभिमानी शेतकरी संघटनेचा थेट इशारा