डोंबिवली : डोंबिवलीत काही दिवसांपासून शिवसेना आणि भाजपमध्ये राजकीय वाद सुरू झाला आहे. बॅनरबाजी करत, पत्रकार परिषद घेत आरोप-प्रत्यारोप केला जात आहे आणि आता चक्क भाजपकडून चक्क घराघरांत पत्रके वाटली जात आहेत. त्यामुळे शिवसेना आणि भाजपमधील वाद शिगेला पोचण्याची चिन्हे आहेत.

भाजपचे आमदार रवींद्र चव्हाण यांनी मुंबईत घेतलेल्या पत्रकार परिषदेत पालकमंत्री एकनाथ शिंदे डोंबिवलीच्या विकासाचे मारेकरी असल्याचा आरोप केला होता. त्यानंतर डोंबिवलीत भाजपने पालकमंत्री एकनाथ शिंदे डोंबिवलीच्या विकासाचे मारेकरी अशा आशयाचे बॅनर लावले होते. हे बॅनर उतरवण्यात आले. दरम्यान भाजपकडून सुरू असलेल्या या आरोपांना शिवसेना पदाधिकाऱ्यांनी पत्रकार परिषद घेत प्रत्युत्तर दिले आहे. जो निधी मंजूर झाला नाही, तो रद्द कसा होईल. जे टीका करत आहेत, त्यांच्याकडे दाखवण्यासाठी काही उरले नाही, असे शिवसेनेकडून सांगण्यात आले होते. तर आज शिवसेनेही बॅनर लावत भाजप आमदारांना टार्गेट केले. शिवसेनेने लावलेले बॅनर शिवसेना उपजिल्हाप्रमुख राजेश कदम यांनी व्हायरल केले. दरम्यान भाजपचे नगरसेवक व माजी विरोधी पक्षनेते राहुल दामले यांनी राजेश कदम यांना कडक भाषेत इशारा दिला आणि मनसेत असताना जी काही शिवसेना आणि नेत्यांवर टीका केली आहे, त्याचे व्हिडिओ प्रसारित करणार, असे सांगितले. तसेच भाजपकडून घराघरात पत्रके वाटायला सुरुवात झाली आहे. या पत्रात शिवसेना नकोच असे म्हटले आहे. तसेच भगव्याची साथ सोडलीत, हिंदुत्वाशी फारकत घेतली, काँग्रेस राष्ट्रवादीच्या विचारांशी जवळीक केलीत, डोंबिवलीची विकासकामे अडवलीत, एकनाथराव डोंबिवलीकर जनता हे लक्षात ठेवेल, असा मजकूर पत्रकांमध्ये आहे.

Thane Municipal Corporation Election 2022 : ठाणे महापालिका निवडणुकीबाबत मनसेचा मोठा निर्णय

दरम्यान भाजप नगरसेवक आणि माजी विरोधी पक्षनेते राहुल दामले यांनी पत्रकार परिषदेत पालिकेच्या अधिकाऱ्यांवर टीका केली. स्मार्टसिटीमधील अधिकारी लाखो रुपये पगार घेतात, पण त्या पद्धतीने काम करत नाहीत, असेही सांगितले. तसेच दामले यांनी सांगितले की, जो डीपीआर तयार झाला होता, समजा त्यांच्या म्हणण्याप्रमाणे निधी नव्हता, बाकीच्या गोष्टी नव्हत्या, पण तोच डीपीआर पुढे नेणे हे तुम्हाला शक्य नव्हतं का ? तर तो डीपीआर पुढे नेऊन ज्या गोष्टींनवर जो डीपीआरला देवेंद्र फडणवीसांनी मान्यता दिली होती ते सगळे रस्ते डोंबिवलीतच होणार होते. त्याच्याबरोबर इतर कामे होणार होती. ही सर्व कामे, जी आपल्याच जनतेसाठी आहेत. सगळी कामे झाली पाहिजेत, असे आवाहन पालकमंत्री आणि खासदारांना करतोय. तसेच निवडणुकीत आरोप-प्रत्यारोप चालू राहतील, मात्र नंतर डोंबिवलीच्या विकासासाठी आपण लक्ष देऊ, असेही आवाहन त्यांनी पत्रकार परिषदेत पालकमंत्री एकनाथ शिंदे यांना केले. दरम्यान पत्रकार परिषदेत शिवसेना उपजिल्हाप्रमुख कदम यांना इशारा देत सांगितले की, हवं तर आम्ही राजेश यांचे शिवसेनेवर टीका केलेले जे काही व्हिडिओ आहेत, ते चौकाचौकात लावू, असे ते म्हणाले. त्यामुळे आता डोंबिवलीत राजकीय वातावरण तापले आहे, इतके मात्र नक्की.

sameer wankhede: समीर वानखेडे यांची कोपरी पोलिसांकडून आठ तास चौकशी

LEAVE A REPLY

Please enter your comment!
Please enter your name here